2 years ago
March 5, 2022
काठमाडौं (हाम्रो खेलकुद) – श्री भगवती क्लबले सहिद स्मारक ‘बी’ डिभिजन लिगमा लगातार दोस्रो जित निकालेको छ । श्री भगवतीले शनिबार ब्वाइज युनियन क्लबलाई २–१ ले पराजित गर्दै लिगमा लगातार दोस्रो जित निकाल्न सफल भएको हो । सातदोबाटोस्थित एन्फा कम्प्लेक्सको खेल मैदानमा शनिबार भएको खेलमा श्री भगवतीको जितमा अमित लामाले गोल गर्दा एक गोल उपहार […]
काठमाडौं (हाम्रो खेलकुद) – श्री भगवती क्लबले सहिद स्मारक ‘बी’ डिभिजन लिगमा लगातार दोस्रो जित निकालेको छ । श्री भगवतीले शनिबार ब्वाइज युनियन क्लबलाई २–१ ले पराजित गर्दै लिगमा लगातार दोस्रो जित निकाल्न सफल भएको हो ।
सातदोबाटोस्थित एन्फा कम्प्लेक्सको खेल मैदानमा शनिबार भएको खेलमा श्री भगवतीको जितमा अमित लामाले गोल गर्दा एक गोल उपहार पाएको थियो । ब्वाइज युनियनका विनोद राईको गोल सान्त्वना बन्यो ।
खेलको छैटौं मिनेटमा नै विनोद राईको गोलबाट ब्वाइज युनियनले सुरुवाती अग्रता लिएको थियो । तर, त्यो अग्रता पहिलो हाफमै जोगिएन । २७औं मिनेटमा विष्णु बहादुर सुनारले आत्मघाती गोल गरेपछि श्री भगवती खेलमा फर्किएको थियो । निर्धारित समयको खेल सकिन ५ मिनेट बाँकी रहँदा वैकल्पिक अमित लामाले गोल गर्दै श्री भगवतीलाई २–१ को जित दिलाए । अमित ३३औं मिनेटमा अनुज भण्डारीको स्थानमा मैदान छिरेका थिए ।
यो जितसँगै श्री भगवतीले दुई खेलबाट ६ अंक जोडेको छ । पहिलो हार बेहोरेको ब्वाइज युनियनको दुई खेलबाट ३ अंक छ । श्री भगवतीले पहिलो खेलमा झम्सीखेल युथ क्लबलाई २–१ ले पराजित गरेको थियो । ब्वाइज युनियनले पहिलो खेलमा वीरगन्ज युनाइटेडलाई १–० ले हराएको थियो ।
अर्काे खेलमा बाँसबारी क्लब र टुसाल युथ क्लबले गोलरहित बराबरी खेल्दै अंक बाँडेका छन् । दुवै टोलीले लिगमा पहिलो अंक जोडेको हो । बाँसबारी पहिलो खेलमा सरस्वती युथ क्लबसँग ३–१ ले पराजित भएको थियो । टुसाल चर्च ब्वाइजसँग ५–२ ले पराजित भएको थियो ।
यस्तै वीरगन्ज युनाइटेड र नयाँ बस्ती युथ क्लबले २–२ गोलको बराबरी खेल्दै अंक बाँडेका छन् । वीरगन्जका कृपाकान्त महतो थारु र विवेक चौधरीले गोल गरे । नयाँ बस्तीका सुमन योङ्या र जीवन मगरले गोल गरे ।
२४औं मिनेटमा कृपाकान्त महतो थारुको गोलबाट वीरगन्जले सुरुवाती अग्रता लिएको थियो । ४४औं मिनेटमा नयाँ बस्तीका सुमन योङ्याले गोल गर्दै खेललाई १–१ गोलको बराबरीमा ल्याए ।
६४औं मिनेटमा जीवन मगरले गोल गर्दै नयाँ बस्तीलाई २–१ को अग्रता दिलाए । ८१औं मिनेटमा विवेक चौधरीले गोल गर्दै खेललाई २–२ गोलको बराबरीमा ल्याए ।बराबरीपछि वीरगन्जले दुई खेल खेल्दा लिगमा पहिलो अंक जोडेको छ । नयाँ बस्तीको दुई खेलबाट २ अंक पुगेको छ ।
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]
April 25, 2024
एजेन्सी – केलियन एमबाप्पेले दुई गोलसँगै एक असिस्ट प्रदान गरेपछि पेरिस सेन्ट जर्मेन (पिएसजी) ले फ्रेन्च लिग वानमा सानदार जित दर्ता गर्दै उपाधि यात्रालाई थप मजबुत बनाएको छ । पिएसजीले रेलिगेसन क्षेत्रमा संघर्ष गरिरहेको घरेलु टोली लोरिएन्टमाथि ४–१ को सानदार जित दर्ता गर्दै लिग वानको उपाधि नजिक पुगेको हो । पिएसजीका लागि थप दुई गोल […]