एजेन्सी – वेल्सका फरवार्ड ग्यरेथ बेलले यो सिजनको अन्त्यसँगै स्पेनिस क्लब रियल म्याड्रिड छाड्ने भएका छन् ।
बेलको सम्झौता यो सिजनको अन्त्यसँगै सकिदैछ ।

रियलले बेलको सम्झौता नविकरण नगर्ने बताइसकेको छ । रियलमा विरलै अवसर पाएका ३२ वर्षीय बेलको पनि रियलमा बस्ने योजना रहेको छैन । एजेन्ट जोनाथन बार्नेटले पनि बेलले रियल छाड्ने पुष्टि गरेका छन् । तर उनले यो पनि स्वीकार गरे कि बेलले फुटबलबाटै सन्न्यास लिने कि नलिने भन्ने वेल्स विश्वकपमा छनोट हुने या नहुनेले भविष्य निर्धारण गर्नेछ ।

‘बेलले रियल म्याड्रिड छोड्दैछन्, तर हामीले वेल्सले के गर्छ भनेर पर्खनु पर्छ । यो सबै उसको राष्ट्रिय टोली विश्वकपमा छनोट हुन्छ कि हुँदैन भन्नेमा भर पर्छ, त्यसपछि हामी निर्णय गर्नेछौं, जुन वेल्सले विश्वकपमा जाने वा नजाने फरक हुन सक्छ । एजेन्ट जोनाथनले भने ।

क्लबमा बेलको विवादास्पद अवस्थाका कारण हालैका वर्षहरूमा म्याड्रिडको चपेटामा परेका बार्नेटले नोभेम्बरमा विश्वकप खेलिने तथ्यको आलोचना गरेका थिए ।

‘यो अहिलेसम्म गरिएको सबैभन्दा हास्यास्पद निर्णय हो । यो पागलपन हो । हामी सबै सिजनमा सप्ताहन्तमा खेलहरू हेर्ने बानी परेका छौं, र अचानक नोभेम्बर आयो र सबै रोकिन्छ ।’ विवादास्पद एजेन्ट भन्छन् । बेलले यो सिजन ला लिगा सान्टान्डरमा लस ब्लान्कोसका लागि जम्मा पाँच पटक मात्रै खेल्दा एक गोल गरेका छन् ।