काठमाडौं (हाम्रो खेलकुद) – नेपाली राष्ट्रिय फुटबल टोलीले बंगलादेशसँग अर्को साता हुने खेलका लागि २३ सदस्यीय टोली घोषणा गरेको छ । खेल असोज ११ गते मंगलबार दशरथ रंगशालामा हुनेछ ।

यसअघि घोषणा भएको ३० सदस्यीय टोलीबाट ७ जना बाहिर राख्दै कार्यवाहक प्रशिक्षक प्रदीप हुमागाईले टोली सार्वजनिक गरेका हुन् । प्रशिक्षक हुमागाईले गत साता एएफसी यू-२० च्याम्पियनसिप छनोटमा रातो कार्ड खाएका नेपाल यू-२० टोलीका कप्तान आयुष घलानलाई पनि टोलीमा समेटेका छैनन् । उनलाई बाहिर राख्नुको कारणबारे प्रशिक्षक हुमागाईले पत्रकार सम्मेलनमा यस्तो जवाफ दिए ।

‘आयुषको बारेमा अखिल नेपाल फुटबल संघको प्राविधिक समितिले निर्णय गर्ला । वा एन्फाको अनुशासन समिति केही होला । अहिले म अनभिज्ञ छु त्यो बारेमा । तर अहिले तत्कालको लागि टिममा किन परेन भन्दा उ अहिले यू-२० टोलीमा नै रहेको कारण हो । अन्य बारेमा मैले त्यति जानकारी छैन ।’

मैले पनि खेल हेरेको थिएँ । रेड कार्ड पाएको देखेको हो । खेलाडीको रुपमा त्यो स्वीकार हुन सक्दैन । प्रशिक्षण टोलीको हिसाबले भन्दा खेलाडीको अनुशासन महत्त्वपूर्ण पाटो हो । म पक्कैपनि असन्तुष्ट छु । खेलाडी भएपछि राम्रो आचरण हुनुपर्छ, मैदानभित्र होस् या बाहिर । त्यसले पनि हामीलाई मानसिक रुपमा केहि असर गरेको छ, निर्णय त्यहि भन्दापनि ।’

यो पनि :

नवयुगलाई बाहिर राख्दै ४ गोलरक्षकसहित राष्ट्रिय टोली घोषणा

कप्तान आयुषसहित नेपालका दुई खेलाडीलाई पहिलो हाफमै रातो कार्ड