एजेन्सी – एलेक्सान्डर मित्रोभिकको ह्याट्रिक मद्दतमा सर्वियाले युइएफए नेसन्स लिगमा स्वीडेनमाथि सानदार पूनरागमन जित निकालेको छ । सर्वियाले स्वीडेनमाथि ४–१ को पूनरागमन जित निकालेको हो ।

वियोग्राडमा शनिबार राति भएको खेलको १५औं मिनेटमा भिक्टोर क्लाइसनको गोलबाट स्वीडेनले अग्रता लिएको थियो । तर, स्वीडेनले त्यो अग्रतालाई जोगाउन नसक्दा पराजित हुन पुग्यो ।

१८औं मिनेटमा एलेक्सान्डर मित्रोभिकले गोल गर्दै खेललाई १–१ गोलको बराबरीमा ल्याए । उनले एन्ड्रिजा जिभकोभिकको पासमा गोल गर्न सफल भएका थिए । पहिलो हाफको इन्ज्युरी समयको थप गरिएको पहिलो मिनेटमा एलेक्सान्डर मित्रोभिकले डुसान टाडिकको पासमा अर्काे गोल गर्दै सर्वियालाई पहिलो हाफमा २–१ को अग्रता दिलाए ।

४८औं मिनेटमा एलेक्सान्डर मित्रोभिकले ह्याट्रिक पूरा गरेपछि सर्विया खेलमा ३–१ ले अघि बढ्यो । यसपटक उनले डुसान भ्लाहोभिचको पासमा गोल गर्न सफल भएका थिए ।

७०औं मिनेटमा सासा लुकिकले गोल गर्दै सर्वियालाई सानदार पूनरागमन जित दिलाए । उनले डार्काे लाजोभिकको पासमा गोल गर्न सफल भएका थिए ।

यस जितसँगै सर्विया लिग बी ग्रु ४ मा १० अंक जोडेर दोस्रो स्थानमा रहेको छ । समान १० अंक रहेपनि नर्वे शीर्षस्थानमा छ । पराजित स्वीडेन ३ अंक जोडेर पुछारमा रहँदा स्लोभेनियाको ५ अंक छ ।