एजेन्सी – लियोनल मेस्सीले च्याम्पियन्स लिगमा अर्को कीर्तिमान बनाएपनि पेरिस सेन्ट जर्मेन (पिएसजी) लाई च्याम्पियन्स लिग खेलमा जितका लागि पर्याप्त रहेन । पिएसजी बुधबार राती बेन्फिकासँग १–१ को बराबरीमा रोकिएको छ ।

नेयमार र केलियन एमबाप्पेले चखालीपूर्ण प्रदर्शन गर्दै निकालेको पासमा मेस्सीले २२ औं मिनेटमा गोल गर्दै पिएसजीलाई अग्रता दिलाएका थिए । त्योसँगै च्याम्पियन्स लिगमा ४० टोलीविरुद्ध गोल गर्ने मेस्सी पहिलो खेलाडी बनेका छन् । डानिलो पिरिराले ४१ औं मिनेटमा आत्मघाती गोल गर्दा खेलमा १–१ बराबरी भएको थियो ।

पिएसजीले दोस्रो हाफमा पुनः अग्रता बनाउने मौका पाएको थियो । तर, च्याम्पियन्स लिगमा लगातार तेस्रो जित निकाल्ने चौथो प्रशिक्षक बन्नबाट क्रिस्टिोपे गाल्टियर चुकेका छन् । बराबरीका बाबजुद गोलअन्तरका आधारमा पिएसजी शीर्षस्थानमा रहेको छ ।

पिएसजी र दोस्रो स्थानको बेन्फिकाको सामन ७ अंक छ । तेस्रो स्थानको युभेन्ट्सको ३ अंक छ । पहिलो हाफको ठिक अगाडि नेयमारको आक्रमण खेर गएको थियो । त्यसपछि नेयमारर हाकिमीको प्रहारलाई बेन्फिकाका गोलकिपरले रोकेका थिए ।

पिएसजीमा आफ्नो दोस्रो सिजनमा मेस्सीले दमदार सुरुवात गरेका छन् । आफूले गोल गर्ने मात्र होइन महत्वपूर्ण पास र क्रस गर्दै आएका छन् । एमबाप्पे बेन्फिकाविरुद्ध लयमा नदेखिएपनि मेस्सीको गोलका लागि भने भूमिका निभाएका थिए । उनले एउटा आक्रमण गरेका थिए ।