एजेन्सी – क्याटलान क्लब बार्सिलोनाले लियोनेल मेस्सीलाई बार्सिलोना फर्काउनको लागि सम्पर्क गरिरहेको क्लबका उपाध्यक्ष राफयल युस्टेले बताएका छन् ।

३५ वर्षीय अर्जेन्टिनाका फरवार्ड ७७८ खेलमा ६७२ गोलसहित बार्सिलोनाका सर्वाधिक गोलकर्ता हुन् र २०२१ मा आर्थिक कारण मेस्सीले नोउ क्याम्प छोडेका थिए ।

फ्रान्सेली क्लब पेरिस सेन्ट जर्मेन (पिएसजी) सँगको दुई वर्षको सम्झौता यस सिजनको अन्त्यसँगै सकिदैछ । उनको प्राथमिकता फ्रान्सेली क्लबमा नै रहने बताइएको छ ।

‘लियो र उनको परिवारलाई थाहा छ कि म उनीहरूप्रतिको स्नेह गर्छु ।’ युस्टेले भने । दुई वर्षअघि बार्सिलोनासँग कम पारिश्रमिकमा नयाँ सम्झौतामा सहमत भएपनि नयाँ आर्थिक नियमका कारण क्लबले मेस्सीलाई बेच्न बाध्य बनेको थियो । मेस्सीले बार्सिलोनाबाट चार च्याम्पियन्स लिग र १० ला लिगा उपाधिसँगै ६ पटका बालोन डी’ओर जितेका छन् ।

‘त्यसबेला म वार्तामा सहभागी थिए । दुर्भाग्यवश निश्चित परिणाम निम्त्याउन सकेन ।’ युस्टेले भने, ‘म सधै मेस्सीलाई क्लबमै राख्ने पक्षमा थियौं तर हामीले रोक्न सकेनौं । मेस्सीलाई थाहा छ हामी उहाँको कत्ति कदर गर्छौं । हामी उहाँ (मेस्सी) क्लबका फर्किएको हेर्न चहान्छौं । हामी पक्कै पनि निरन्तर सम्पर्कमा छौं ।’

डिसेम्बरमा अर्जेन्टिनाबाट विश्वकप जितेका मेस्सीले पीएसजीका लागि ६६ खेलमा २९ गोल गरेका छन् । मेस्सीले यसैसाता आफ्नो १००औं अन्तर्राष्ट्रिय गोल र करिअरको ८सयौं गोल पूरा गरेका छन् ।