पोखरा (हाम्रो खेलकुद)– आहा रारा गोल्डकप फुटबल प्रतियोगिताको तेस्रो दिन बिहीबार पहिलो हाफमा रमपम झापा ११ ले २–० को अग्रता लिएको छ । पहिलो पटक पोखरा आएको एएनए युएसएले सोचे अनुरुपको प्रदर्शन गर्न सकेन भने झापा विस्तारै लयमा देखियो ।
अघिल्लो महिना काँकरभिट्टा गोल्डकप र फाल्गुनन्द गोल्ड कप नकआउट प्रतियोगिता उपाधि जितेर पोखरा आइपुगेको झापाका लागि दुवै गोल कर्ण सुब्बाले गरेका थिए ।
६ मिनेटको फरकमा कर्णले दुई गोल गरेका थिए । उनले २५ औं मिनेटमा पहिलो र रजिन धिमालको पासमा दोस्रो गोल गरेका हुन् । त्यसअघि रञ्जित श्रेष्ठले गोल गर्ने मौका चुकाएका थिए । १५ औं मिनेटमा रञ्जितले वान भर्सेस वानमा प्रहार गरेको बललाई एएनए युएसएबाट खेलिरहेको गोलकिपर एलन न्यौपानेले रोकेका थिए । कर्णले इन्जुरी समयमा ह्याट्रिक गर्ने मौका चुकाएका थिए । उनको प्रहार सेकेन्डबार नजिकबाट बाहिरिएको थियो ।
यो खेलको विजेताले त्रिभुवन आर्मी क्लबसँग माघ १० क्वार्टरफाइनल खेल्नेछ ।
