लन्डन (एजेन्सी) – विवादमा रहेका चेल्सीका स्टार फरवार्ड डिएगो कोष्टा पुन: चेल्सीको पहिलो टीमसंग प्रशिक्षणमा फर्किएका छन्।
प्रशिक्षक एन्टोनियो कोन्टेसंग विवाद गरेपछि पहिलो टोलीबाट हटाएर एक्लै प्रशिक्षण गर्न बाध्य पारिएका कोष्टाले मङ्गलबारदेखि पुन: पहिलो टोलीमा फिर्ता आएका छन्। उनलाई गत साता साविक विजेता लेष्टरसंगको खेलमा प्रशिक्षक कोन्टेले बाहिर राखेका थिए।
चिनबाट आएको महँगो रकमको प्रस्ताव र फिजियोसंगको विवादले कोष्टाको भविष्य धरापमा देखिएको थियो। तर, चेल्सीका मालिक रोमन अब्रामोभिचले कोष्टालाई माफि मागेर टोलीमा फर्कन निर्देशन दिएपछि उनले प्रशिक्षकसंग कुरा गरेको ब्रिटिस मिडियाले टिप्पणी गरेका छन्।
चेल्सीले आइतबार प्रिमिएर लिग अन्तर्गत हल सिटिको सामना गर्दैछ।
