लिभरपुल (एजेन्सी) – लिभरपुल फुटबल क्लबका पुर्वकप्तान स्टेभेन जेरार्ड क्लबको एकेडेमीको प्रशिक्षकका रुपमा नियुक्त भएका छन्।

लिभरपुलको वेबसाइटमा जनाए अनुसार जेरार्डले फेब्रुअरी महिनाबाट प्रशिक्षकको जिम्मा सम्हाल्नेछन्। लिभरपुलमा १७ वर्षे खेलजीवन बिताएका जेरार्ड २०१५मा अमेरिकाको क्लब लस एन्जेलसमा पुगेका थिए। लिभरपुलका लागि ७१० खेल खेलेका जेरार्डले १० उपाधि जितेका थिए भने १ सय ८६ गोल गरेका थिए।

जेरार्डले पुन: क्लब्संग आवद्ध हुन पाउँदा निकै खुसि लागेको बताए। “मैले भन्नु पर्दैन कि मेरो जीवनमा यस क्लबको कति महत्व छ। अहिले म यस ठाउँमा आइपुग्नुमा क्लबको ठुलो भूमिका रहेको छ र म अब यहींबाट मेहेनत गरेर क्लबलाई आफ्नो सक्दो सहयोग गर्नेछु।”, जेरार्डले भने।

जेरार्डले गत महिना मात्र आफुले लस एन्जेलस छोडेको बताएका थिए भने अब लिभरपुलको एकेडेमी हेरेसंगै उनको प्रशिक्षकको करियर सुरु भएको बुझिएको छ।