काठमाडौँ, (हाम्रो खेलकुद) – आगामी चैत्र १० गतेबाट सुरु हुने एसियन कप छनोटका लागि माघ १० गते अबुधाबीमा समूह विभाजनको लागि ड्र हुँदैछ।
कसरी हुन्छ ड्र?
२४ टोलीलाइ फिफा वरियताको आधारमा चार पटमा विभाजन गरिएको छ र प्रत्यक पटमा ६ टोली अटाएका छन्। छनोट चरणमा छ समूह रहने र शिर्ष दुइ टोलीले २०१९मा हुने एसियन कपमा सहभागिता जनाउने प्रावधान रहेको छ।
पट ‘डी’मा नेपाल, मकाउ, भुटान, मलेसिया, कम्बोडिया र सिङ्गापुर छ। पट ‘ए’ मा जोर्डन, ओमान, फिलिपिन्स, बहराइन, किर्गिस्तान र उत्तर कोरिया रहेका छन् भने पट ‘बि’मा भारतसंगै प्यालेस्टाइन, भिएतनाम, जिकिस्तान, हङकङ र तुर्कमेनिस्तान रहेकाछन्।
पट ‘सि’मा भने माल्दिभ्स, यमन, लेबनान, अफगानिस्तान, चाइनिज चाइपेई र म्यानमार छन्। प्रत्यक पटबाट एक समूहमा एक-एक टोलि पर्नेछन्। छनोट अन्तर्गत नेपाल र भारत एउटै समुहमा पर्ने सम्भावना पनि बलियो छ।
