म्याड्रिड (एजेन्सी) – चालिस खेलको अपराजित यात्रापछि लगातार दुई खेलमा हार व्येहोरेको रियल म्याड्रिडले स्पेनिश ला लिगा अन्तर्गतको खेलमा मालागालाइ २-१ले पराजित गरेको छ।

३५औं मिनेटमा सर्जियो रामोसको गोलले अग्रता लिएको म्याड्रिडका लागि कप्तान रामोसलेनै ४२औं मिनेटमा अग्रता दोब्बर पारेका थिए।

दोश्रो हाफमा केहि फिका देखिएको म्याड्रिडलाइ मालागाका वान्पीले ६३औं मिनेटमा गोल गर्दै खेललाई २-१को स्थितिमा ल्याए। तर त्यसपछि खेलमा खासै आक्रमण गर्न नसकेपछि म्याड्रिडले तिन अंक आफ्नै पोल्टामा राख्यो।

यस जितसंगै म्याड्रिडको अंक तालिकामा ४३ अंक भएको छ र शिर्ष स्थानमा यथावत छ। चार अंक कम बोकेको सेभिल्ला दोश्रो र ३८ अंकसहित बार्सिलोना तेश्रो स्थानमा रहेको छ।