पोखरा (हाम्रो खेलकुद)– हङकङमा कानुन व्यवसायीका रुपमा सक्रिय देव गुरुङले सहारा एकेडेमीका लागि आर्थिक सहयोग गरेका छन् ।
गुरुङले आइतबार एकेडेमीका लागि २ लाख ५० हजार रुपैयाँ क्लबलाई हस्तान्तरण गरेका छन् । पोखरा रंगशालामा जारी १५ औं आहा रारा गोल्डकप फुटबल प्रतियोगितामा लक्ष्मी हुन्डाई मनाङ मस्र्याङ्दी क्लब र धरान फुटबल क्लबबीचको क्वार्टरफाइनल खेलको मध्यान्तरका दौरान गुरुङले रकम सहारा क्लबका अध्यक्ष वीरभद्र आचार्यलाई हस्तान्तरण गरेका थिए ।
उक्त रकम पोखरा १७ दोबिल्लामा रहेको सहारा एकेडेमीको मैदानमा चेन्जिङ रुम निर्माणका लागि खर्च गरिने क्लबले जनाएको छ ।
