लामोसाँघु/सिन्धुपाल्चोक (हाम्रो खेलकुद)–सिन्धु युवा कप फुटबल प्रतियोगिताको दोस्रो दिन आइतबार योङ जेनेरेसन क्लब राम्चे र बाह्रबिसे फुटबल क्लब विजयी भएका छन् । जितपछि दुवै टोली प्रतियोगिताको क्वार्टरफाइनलमा पुगेका छन् ।
बसन्तपुर खेल मैदानमा योङ जेनेरेसनले श्री कालिका त्रिशक्ति युथ क्लबलाई १–० ले हरायो । अर्को खेलमा बाह्रबिसेले जुगल युथ हर्ट क्लबलाई टाइब्रेकरमा ४–२ ले पराजित गर्यो । निर्धारित र थप समयमा ३–३ को बराबरीपछि टाइब्रेकरमा बाह्रबिसेले बाजी मारेको थियो । निर्धारित समयमा २–२ र थप समयमा दुवै टोलीले समान १ गोल थपेका थिए । युवा संघ नेपाल सिन्धुपाल्चोकद्धारा आयोजित प्रतियोगितामा सोमबार समूह चरणका अन्तिम खेल हुने उपाध्यक्ष कमल थापाले जानकारी दिए ।
