काठमाडौं (हाम्रो खेलकुद) – अन्तर्राष्ट्रिय फुटबल महासंघ (फिफा)ले बिहिबार सार्वजनिक गरेको फेब्रुअरी महिनाको वरियताक्रममा नेपाल दुइ स्थान सुधार्दै १७३औं स्थानमा पुगेको छ।
जनवरी महिनामा १७५औं स्थानमा रहेको नेपालके दुइ स्थान सुधार गरेको हो। नेपाल दक्षिण एसियाली राष्ट्रबीच चौथो स्थानमा रहेको छ । नेपाललाई अफगानिस्तान, भारत र माल्दिभ्सले पछि पारेका छन् भने नेपाल बंगलादेश, भुटान, श्रीलंका र पाकिस्तानभन्दा माथि छ ।
एक स्थान तल झरेपानी १३०औं वरियतामा रहेको भारत दक्षिण एसियाको शीर्षस्थानमा छ। नेपालले आगामी मार्च महिनामा एसियन कपको छनोटमा भिड्ने फिलिपिन्स भने १२२औं स्थानमा यथावत छ।
अर्जेन्टिना फिफा वरियताको शीर्षस्थान र ब्राजिल दोस्रोमा यथावत छ । जर्मनी तेश्री, चिली चौथो र बेल्जियम पाँचौ स्थानमा कायमै छन्।
