एजेन्सी – बायर्न म्युनिखले युइएफए च्याम्पियन्स लिग सानदार जितका साथ सुरुवात गरेको छ । बायर्नले मंगलवार क्रोएसियाको क्लब डिइनामो जाग्रेबविरुद्ध ९-२ को फराकिलो जित निकालेको छ ।

घरेलु मैदानमा बायर्नलाई जित दिलाउन ह्यारी केनले ४, माइकल ओलिसेले २ तथा राफेल गुरेरो, लिरोय साने र लियोन गोरेट्जकाले समान १ गोल गरे । भ्रमणकारी टोली जाग्रेबका लागि ब्रुनो पेट्कोभिच र टाकिया ओगिवाराले समान १ गोल फर्काए ।

खेलको १९औं मिनेटमा केनको गोलमार्फत बायर्नले अग्रता लिएको थियो । ३३औं मिनेटमा गुरेरोले टोलीको अग्रता दोब्बर बनाए । त्यसको ३८औं मिनेटमा नै ओलिसेले बायर्नलाई ३-० मा पुर्याए । जाग्रेबका लागि ४९औं मिनेटमा पेट्कोभिचले गोल गर्दै खेल ३-१ को स्थितीमा पुर्याए ।

ओगिवाराले ५०औं मिनेटमा गोल गर्दै जाग्रेबलाई खेलमा फर्काउने संकेत दिएका थिए । ५७औं मिनेटमा केनले व्यक्तिगत दोस्रो तथा बायर्नका लागि चौथो गोल गरे । ओलिसेले ६१औं मिनेटमा व्यक्तिगत दोस्रो गोल गर्दा बायर्न ५-२ ले अगाडि बढ्यो ।

केनले ७३औं मिनेटमा पेनाल्टीमार्फत गोल गर्दै आफ्नो ह्याट्रिक पूरा गरे । ७८औं मिने केनले पेनाल्टीमार्फत नै व्यक्तिगत चौथो तथा टोलीका लागि सातौं गोल गरे ।

निर्धारित सयम सकिन केही मिनेट बाँकी छँदा सानेले गोल गर्दै बायर्नलाई ८-२ ले अगाडि बढाए । इन्जुरी समयमा गारेट्जकाले गोल गर्दै बायर्नलाई सानदार सुरुवात दिलाए ।