उदयपुर (हाम्रो खेलकुद)– रुपन्देही ११ रमपम चौथो उदयपुर गोल्डकप फुटबल प्रतियोगिताको सेमिफाइनलमा पुगेको छ । आइतबार थारुहट उदयपुर रंगशाला गाईघाटमा झापा ११ लाई सडन डेथमा हराउँदै रुपन्देही अन्तिम चारमा पुगेको हो । रुपन्देही सेमिफाइनलमा हिमालयन शेर्पाको सामना गर्नेछ ।
आइतबारको नतिजासँगै सेमिफाइनलको समिकरण पुरा भएको छ । अर्को सेमिफाइनल सिएमजी क्लब संकटा र मोरङबीच हुनेछ । निर्धारित समयमा १–१ को बराबरी तथा टाइब्रेकरमा ४–४ को बराबरीपछि रुपन्देहीले सडन डेथमा बाजी मारेको थियो । त्यसअघि ६७ औं रेजिन सुब्बाको गोलबाट झापाले खेलमा अग्रता लिएको थियो । खेलको ७२ औं मिनेटमा रुपन्देहीका विकी चौधरीले बराबरी गोल फर्काएका थिए । त्यसपछि कुनै गोल भएन र खेल सिधै टाइब्रेकरमा लगिएको थियो ।
टाइब्रेकरमा रुपेन्देहीका दीपक राई, सौरभ मगर, उत्तम गुरुङ, विजय धिमाल, , दिलिप क्षत्रीले गोल गरे । दीपक राईको प्रहार खेर गएको थियो । टाइब्रेकरमा भmापाका लागि दिलेन मोक्तान, राजकुमार लिम्बु, खामिन गिल्सन र रजिन सुब्बाले गोल गरे । सञ्जोक राईको पेनाल्टी खेर गएको थियो ।
सडन डेथमा दुवै टोलीले दुई दुई पेनाल्टी हानेका थिए । रुपन्देहीका विक्रम लिम्बुको गोल निर्णायक बनेको थियो । झापाका विशाल राईले सडन डेथमा गोल गर्नबाट गोलबाट चुकेका थिए । सडन डेथमा रुपन्देहीका कालु थापा र झापाका विशाल गुरुङ गोल गरेका थिए ।
रमपम उदयुर गोल्डकपमा सोमबारको सेमिफाइनल
मोरङ ११ र सिएमसी क्लब संकटा
