default_image

1 year ago

November 17, 2024

जर्मनी र नेदरल्यान्ड्सको सानदार जित

1184 views

0 Bookmark

एजेन्सी – जर्मनी र नेदरल्यान्ड्सले युइएफए नेसन्स लिगमा सानदार जित निकालेका छन् ।

लिग ए ग्रुप ३ को पाँचौं चरणको खेलमा जर्मनीले तुलनात्मक रुपमा कमजोर बोस्निया एण्ड हर्जगोभिनामाथि ७–० को एकपक्षीय जित निकालेको हो ।

घरेलु मैदानमा भएको खेलमा जर्मनीको फराकिलो जितमा फ्लोरिएन रिट्ज र टिम क्लाइनडिस्टले समान २ तथा जमल मुसिएला, काई हाभर्टज र लिरोए सानेले समान १ गोल गरे । जर्मनीले पहिलो हाफमा ३ गोल गर्दा दोस्रो हाफमा ४ गोल थप्यो ।

युरोपा पार्क फ्रेइवर्गमा शनिवार राति भएको खेलको दोस्रो मिनेटमै मुसिएलाले गोल गर्दै घरेलु टोलीको गोलको खाता खोले । २३औं मिनेटमा टिमले गोल गर्दै जर्मनीको अग्रता दोब्बर पारे । यो उनको राष्ट्रिय टोलीका लागि डेब्यु गोल हो ।

३७औं मिनेटमा काईले गोल गरेपछि जर्मनीले पहिलो हाफमा ३–० को अग्रता कायम गर्यो । ५०औं मिनेटमा फ्लोरिएन रिट्जले फ्रिकिकमा सिधै गेल गर्दै जर्मनीलाई ४–० ले अघि बढाए । ५७औं मिनेटमा रिट्जले व्यक्तिगत दोस्रो तथा टोलीका लागि पाँचौं गोल गरेपछि जर्मनी फराकिलो जिततर्फ अग्रसर बन्यो ।

६६औं मिनेटमा परिवर्तित खेलाडी लिरोए सानेले गोल गर्दै जर्मनीलाई ६–० ले अघि बढाए । ५८औं मिनेटमा मुसिएलाको स्थानमा मैदानमा छिरेका सानेले काईको पासलाई सदुपयोग गरेका हुन् । त्यसपछि ७९औं मिनेटमा टिमले व्यक्तिगत दोस्रो तथा टोलीका लागि सातौं गोल गर्दै जर्मनीलाई सानदार जित दिलाए ।

यस जितले लिग ए ग्रुप ३ मा अपराजित रहेको जर्मनीले ५ खेलबाट १३ अंक बटुलेको छ । जर्मनी च्याम्पियनसिप प्ले अफको लागि छनोट भएको छ । पराजित बोस्निया भने लिग बीमा झरेको छ ।

यही समूहको अर्काे खेलमा नेदरल्यान्ड्सले हंगेरीलाई ४–० ले हराएको छ । नेदरल्यान्ड्सको जितमा वोउट वेगह्रस्ट, कोडी गाक्पो, डेन्जेल डेम्फ्रेज र टिउन कुपमेइनर्सले गोल गरे ।

यस जितसँगै नेदरल्यान्ड्सले अर्काे चरण पुग्ने सम्भावना बलियो बनाएको छ । नेदरल्यान्ड्सको ५ खेलबाट ८ अंक तथा पराजित हंगेरीको समान खेलबाटै ५ अंक छ ।

November 18, 2025

नेपाल मलेसियासँग फेरि पराजित

काठमाडौं (हाम्रो खेलकुद)-एसियन कप छनोटमा आज नेपाल मलेसियासँग १-० ले पराजित भएको छ। नेपाल खेलको अन्तिम मिनेटमा १० खेलाडी्ा समेटिएको थियो। एसियन कपमा पुग्ने संभावना समाप्त भैसकेको नेपाल समूहको शीर्षस्थानमा रहेको मलेसियालाई पहिलो हाफमा गोल रहित बराबरीमा रोक्न सफल भयो। खेलको ५६ औं मिनेटमा मलेसियाले नेपाल विरुद्ध अग्रता बनायो। फैसल हलिमले नेपालका गोल किपर किरण […]

November 18, 2025

नेपाल र मलेसियासँग खेल्दै

काठमाडौं (हाम्रो खेलकुद)- एसियन कप छनोट चरण पार गर्ने संभावना समाप्त भएको नेपाली पुरुष फुटबल टोलीले आज मलेसियासँग खेल्दैछ। खेल नेपाली समयअनुसार साँझ ६:४५ बजे सुरु हुनेछ। दशरथ रंगशालालाई एसियन फुटबल महासंघ (एएफसी) ले अयोग्य ठहर गरेको कारण मलेसियासँगको घरेलु खेल खेल्न नेपाली टोली मलेसिया पुगेको हो। पहिलो लेगमा नेपाल मलेसियासँग २-० पराजित भएको थियो […]

November 18, 2025

जर्मनी विश्व कपका लागि छनोट

एजेन्सी – जर्मनीले स्लोभाकियालाई ६-० ले पराजित गर्दै समूह एको विजेता बन्दै २०२६ विश्वकपका लागि छनोट भएको छ । निक वोल्टेमाडेले खेलको सुरुमै हेडमार्फत गोल गर्दै जर्मनीलाई अग्रता दिलाए। त्यसपछि सेर्ज ग्नाब्री, लेरोय सानेले‌ २ गोल गरेपछि जर्मनीले पहिलो हाफमा ४-० अगाडि रह्यो । दोस्रो हाफमा रिड्ले बाकु र असान उएद्राओगोले गोल गरेपछि जर्मनीले ६-० […]

Success

Thank you for your time.