काठमाडौं (हाम्रो खेलकुद)- नेपाल र घरेलु टोली भारतको अनौपचारिक मैत्रीपूर्ण फुटबल खेलको पहिलो हाफ १-१ ले बराबरीमा टुंगिएको छ।

पहिलो हाफको इन्ज्युरी समयको दोस्रो मिनेटमा रश्मिकुमारी घिसिङले बराबरी गोल गरिन् । कप्तान अनिता बस्नेतको कर्नरमा रश्मिले हेड मार्फत गोल गरिन् ।

त्यसअघि ३० औं मिनेटमा नेपाल पछि परेको थियो। सौम्य गोगुलोथले गोलमा भारतले अग्रता लियो । निशा थोकरको मिस पासमा प्राप्त बलमा उनले गोल गरेकी हुन्।

त्यसको केहि समयपछि प्राप्त फ्रि किकमा नेपालले बराबरीको मौका पाएको थियो। अनिताको फ्रिकिकलाई भारतीय गोलकिपरले पन्च गरिन् ।

खेलमा पछि पर्नुअघि नेपालका लागि मिना देउवा र सरु लिम्बूको प्रहार गोल हुन सकेन । त्रिदेवशीय अन्तर्राष्ट्रिय मैत्रीपूर्ण खेल अन्तर्गत सोमवार भारतविरुद्धको खेलको पहिलो रोजाइमा मुख्य प्रशिक्षक नविन न्यौपानेले आज १० खेलाडी परिवर्तन गरेको छ।

नियमित कप्तान सावित्रा भण्डारी ‘साम्बा’ टोलीसँग नरहेका कारण भारतविरुद्ध हुने आजको खेलमा अनिता कप्तानी गरेकी छिन्।

भारतविरुद्ध गोलकिपर उषा नाथले पोष्ट सम्हालेकी भएकी छिन्। सोमवार भारतविरुद्धको पहिलो रोजाइमा रहेकी विमला विक आज पनि प्लेइङमा छिन् ।

अनिता, उषासहित प्रतिक्षा चौधरी, मिना देउवा, सरु लिम्बू, हिरा कुमारी भुजेल, निशा थोकर, पूर्णिमा राई , सरस्वती हमाल र रश्मिकुमारी घिसिङ आज पहिलो रोजाइमा छन् ।

भारतले भने पछिल्लो खेलबाट सुरुवाती ११ का सबै खेलाडी परिवर्तन गर्दै बेन्चमा पनि सिक्किमका स्थानीय सहित नयाँ खेलाडीलाई अवसर दिएको छ ।