पोखरा (हाम्रो खेलकुद) – पोखरा ९ बसपार्कस्थित सहारा बाल आधारभूत विद्यालयले सहारा क्लब पोखराको १४ औँ अधिवेशनबाट नवनिर्वाचित कार्यसमितिलाई आज बधाई तथा शुभकामना कार्यक्रम आयोजना गरेको छ।

विद्यालयको स्थापनाकाल देखि हाल सम्म शैक्षिक क्षेत्रमा नजिक रहेर उल्लेखनीय रुपमा सहयोग गर्दै आईरहेको सहारा क्लबको कार्यसमितिलाई विद्यालयमा पोखरा महानगरपालिका वडा नं. ९ का वडा दिपेन्द्र मर्सानी र विद्यालय व्यवस्थापन समितिका अध्यक्ष विक्रम थकालीले निर्वाचित कार्यसमितिका पदाधिकारी र सदस्यलाई बधाई दिए ।

विद्यालयका प्रधानाध्यापक लोचना कुमारी अधिकारीले स्वागत मन्तव्य राखेको कार्यक्रममा सहारा क्लबका निवर्तमान अध्यक्ष तथा विद्यालयका पूर्व सल्लाहाकार केशवराज बराललाई सम्मान पत्र गरियो ।

सहारा क्लबका अध्यक्ष केशव बहादुर थापाले कार्यक्रमको आयोजनाले विद्यालय र क्लब झनै नजिक रहने र आपसी साझेदारी कायमै रहने प्रतिबद्धता व्यक्त गरे ।

वडा अध्यक्ष मर्सानीलेले सफल कार्यकालको शुभकामना दिदैं दुबै संस्थामा आफू जिम्मेवार रहेको र साथ सहयोग रहने विश्वास दिलाए ।

क्लबका पूर्व अध्यक्ष समेत रहेका विद्यालय व्यवस्थापन समितिका अध्यक्ष विद्यालयको उन्नती र विकासमा सहारा क्लबले खेल्दै आएको भूमिका उल्लेखनीय रहेको बताए । उनले विद्यालयले भविष्यमा पनि क्लबबाट सहयोग र सद्भाव पाउने विश्वास राखेको सुनाए ।

कार्यक्रममा विद्यालयका समिति, सहारा क्लब परिवार, शिक्षक  तथा विद्यार्थीहरुको उपस्थिति थियो ।

सहारा क्लबले पोखराको दोबिल्लामा अनाथका लागि सहारा फुटबल एकेडेमी सन्चालनका साथै हरेक वर्ष आहा रारा गोल्डकप फुटबल प्रतियोगिताको आयोजना गर्दै आएको छ।