दिपक बोहोरा, झापा

एलभिडी झापा महिला गोल्डकप फुटबल प्रतियोगिताको‌ दोस्रो सेमिफाइनलमा आज विभागीय डर्बी हुँदैछ ।

झापाको शिवसताक्षीस्थित दुधे रंगशालामा आज एपिएफ क्लब र त्रिभुवन आर्मी क्लबले एक अर्कोको सामना गर्नेछन् ।
खेल दिउँसो दिउँसो ३ बजे सुरु हुनेछ‌ ।

आजको विजेताले फाइनलमा अर्को विभागीय टोली नेपाल पुलिस क्लबको सामना गर्नेछ। संकटा क्लबलाई हिजो २-० ले हराउँदै पुलिस फाइनल पुगेको थियो।

एपिएफ घरेलु फुटबलको लिग र नकआउटको सदाबहार दाबेदार हो । एपिएफले गत वर्ष एन्फा लिग सहित सबै नकआउट फुटबल प्रतियोगिताको उपाधि जितेको थियो।
आर्मीले केही वर्षयता एपिएफलाई हराउन सकेको छैन।

क्वार्टरफाइनलमा एपिएफले भारतको सिक्किम सिंग्लिङ स्पोर्टिङ क्लबलाई ७-० र आर्मीले आरएस पोखरालाई ६–० गोलले हराउँदै एकअर्कासँगको भेट पक्का गरेका थिए।

एपिएफका प्रशिक्षक जीवेश पाण्डेले भनेका छन्,’ हामीले लगातार आक्रामक खेल प्रदर्शन गर्दै आएका छौं। आर्मी बलियो टोली हो। तर हाम्रो टिमको गति, पासिङ र प्रेसिङ गेमले नियन्त्रण राख्न सक्छ।’

आर्मीका प्रशिक्षक चक्रबहादुर तामाङले भने, ‘एपीएफ सँगको खेल सधै चुनौतीपूर्ण हुन्छ। तर हाम्रो टिममा राम्रो संयोजन बनेको छ। खेलको गहिराइमा जान सक्ने अनुभव हामीसँग छ, त्यसैले फाइनल पुग्नेमा विश्वास छ। दुबै टोलीले जारी प्रतियोगितामा गोल खाएका छैनन्। अहिले सम्म गोल व्योहोरेका छैन्‌न ।

प्रतियोगिताको फाइनल खेल कात्तिक २४ गते हुनेछ। विजेता टोलीले १० लाख १० हजार रुपैयाँ र दोस्रो टोलीले ५ लाख रुपैयाँ प्राप्त गर्नेछ।

सर्वोत्कृष्ट खेलाडीले १ लाख ५० हजार , उत्कृष्ट गोलकिपर, डिफेन्डर, मिडफिल्डर, फरवार्ड, प्रशिक्षक, उदीयमान खेलाडी तथा उच्च गोलकर्ताले जनही २५ हजार रुपैयाँ पुरस्कार पाउनेछन्।

हरेक खेलको ‘प्लेयर अफ द म्याच’ लाई १५ हजार रुपैयाँ र ट्रफी प्रदान गरिँदै आएको छ।