रविन्द्र वाईबा, हेटौंडा

बाराको नव जागृती युवा क्लब र सुर्खेतको कार्केविहार युथ क्लब राष्ट्रिय लिगको लागि छनोट भएका छन् । हेटौंडामा जारी एन्फा प्रेसिडेन्ट लिगको समूहबाट दुवै टोली लिगका लागि छनोट भएका हुन् ।

दुवै समान १० अंकसहित सेमिफाइनलमा प्रवेश गरेको छन्। समुह चरणको अन्तिम दिनको पहिलो खेलमा आज नव जागृतीले तनहुँको हैरान्स क्लबलाई ७-२ फराकिलो अन्तरले हरायो।

नव जागृतीका लागि सुजन डंगोलले ह्याट्रिकक गरे। उनले ५१ औं, ५६ औं र ६० औं मिनेटमा गोल गर्दै ह्याट्रिक पूरा गरे। नवजागृतीका लागि अविनाश स्याङ्तनले ५१ औं र कृपकन्त महतो थारुले इन्जुरी समयमा गोल गरे । एक गोल आत्मघाती भयो।

हैरान्सका विजय दोङले ४० औं मिनेटमा र सामुयल सुनारले ६२ औं मिनेटमा गोल गरे। नव जागृतीका लागि ह्याट्रिक गर्ने सुजन डंगोल प्लेयर अफ दि म्याच घोषित भए।

दोस्रो खेलमा कार्केविहारले उदयपुरको गाईघाट फुटबल क्लबलाई ५-३ गोलले हरायो। कार्के विहारका लागि अनिष घर्ती घर्ती क्षेत्रीले ह्याट्रिक क गरे। उनले खेलको ६९, ८९ र ९१ औं मिनेटमा गोल गरे। यस्तै अनिष चापागाईंले १७ औं र गणेश पुलामीले ५३ औं मिनेटमा गोल गरे।

गाईघाटका लागि दिवसले १४ औं, पविन राईले २९ औं मिनेटमा र ८१ औं मिनेटमा गोल गरे। गाईघाटका गणेश पुलामी प्लेयर अफ दि म्याच घोषित भए।

यस अघि समूह `ए´ बाट कास्कीको लालीगुराँस एसोसिएसन र काठमाडौंको चित्लाङ एफसी राष्ट्रिय लिगको लागि छनोट भइसकेको छ।

सेमिफाइनल कात्तिक ३० गते र फाइनल मंसिर २ गते हुनेछ । प्रतियोगिताको विजेता टोलीले १० लाख र दोस्रो हुने टोलीले ५ लाख रुपैयाँ प्राप्त गर्नेछ ।