रविन्द्र वाईबा, हेटौंडा

एन्फा प्रेसिडेन्ट लिग-२०२५ को उपाधिको छिनोफानो मंगलवार हुँदैछ। हेटौंडाको गौरीटार रंगशालामा हुने फाइनलमा कास्कीको लालीगुराँस एसोसिएसन र काठमाडौंको चित्लाङ एफसी भिड्ने छन्।

दुवै टोलीले उपाधि जित्ने दाबी गरेका छन् । मकवानपुर गढीमा आज भएको प्रि-म्याच कन्फ्रेन्समा दुबै टोली प्रशिक्षक र कप्तानले उपाधि जित्ने आशा व्यक्त गरे।

लालीगुराँसका प्रशिक्षक किरण श्रेष्ठले यसअघि पनि चित्लाङसँग भेट भएर जितेको र फेरि जित्ने बताए। चित्लाङले फाइनलमा गर्ने रणनीतिबारे आफूहरुलाई थाहा हुने भन्दै त्यही अनुसार तयारी भइरहेको बताए।

उनले भने खेलाडी मानसिक रुपमट सकारात्मक रहेको बताए। टोलीमा सिनियर र जुनियर खेलाडीको तालमेल पनि मिलिरहेको जनाउँदै अपराजित रहँदै उपाधि लक्ष्य रहेको सुनाए।

लालीगुराँसका कप्तान यम बहादुर श्रेष्ठले टोली बलियो रहेको र उपाधि जित्ने दाबी गरे।

त्यस्तै चित्लाङका प्रशिक्षक सुमन श्रेष्ठले
लिगको लागि छनोट भएपनि अब उपाधि जित्ने गरि मैदान उत्रने बताए।

लालीगुराँसलाई कमजोर टोली नठानेको उल्लेख गर्दै श्रेष्ठले बदला लिने मौका रहेको र उपाधि जित्ने दाबी गरे। टोलीमा अनुभवी खेलाडी रहेकाले पनि फाइनल जित्न सक्ने उनको विश्वास देखिन्थ्यो।

चित्लाङका कप्तान कुलदिप कार्कीले मिहेनतले फाइनलमा पुगेको र फाइनलमा थप मिहेनत गर्ने बताए।

समूह चरणमा कात्तिक २५ लालीगुराँसले चित्लाङलाई ३-० गोलले हराएको थियो । समूह `ए´बाट लालीगुराँस विजेता र चित्लाङ उपविजेताका सेमिफाइनल पुगेका थिए।

फाइनल मंगलवार दिउँसो २ बजे सुरु हुने। विजेता टोली उपाधिसहित १० लाख र दोस्रो टोलीले ५ लाख रुपैयाँ प्राप्त गर्नेछ।