एजेन्सी – युरोपा लिगमा बिहीवार रोमा, नटिङ्घाम फरेस्ट र एस्टन भिल्लाले महत्त्वपूर्ण जित निकालेका छन् ।

रोमा २-१ मिड्ट्युल्यान्ड

रोमाले घरेलु मैदानमा पहिलो जित हासिल गर्यो। खेलको सातौं मिनेटमा नेइल एल आयनाउईले जेकी सेलिकको क्रसमा गोल गरे।

दोस्रो हाफमा पाउलो डायबाला र स्टेफान एल शारावीका प्रहार रोक्न मिड्ट्युल्यान्डका गोलरक्षकले राम्रो बचाउगरे। तर ८३औँ मिनेटमा एल शारावीले दोस्रो गोल गर्दै रोमालाई‌ २–० ले अघि बढाए ।

मिड्ट्युल्यान्डका पाउलिन्होले तीन मिनेटपछि एक गोल फर्काए । तर बराबरी गर्न सकेन र टोलीलको अपराजित यात्रामा पूर्णविराम लाग्यो।

नटिङ्घाम फरेस्ट ३–० माल्मो

फरेस्टले लगातार दोस्रो घरेलु जित दर्ता गर्दै माल्मोलाई सहज रुपमा पराजित गर्यो।

२७औँ मिनेटमा क्याप्टेन रायन येट्सले बाकसभित्रबाट पहिलो गोल गरे। उनको अर्को प्रयास गोलकिपरले रोकिदिए, तर रिबाउन्डमा आर्नोद कालिमुएन्डोले ४४औँ मिनेटमा गोल थपे।

५९औँ मिनेटतिर कर्नरबाट निकोला मिलेनकोभिकले तेस्रो गोल गरे। यो जितसँगै फरेस्टको अंक ८ पुगेको छ।

एस्टन भिल्ला २–१ योङ ब्वाइज

एस्टन भिल्लाले घरेलु मैदानमा योङ ब्वाइजलाई हराउँदै ५ खेलमा चौथो जित दर्ता गर्यो।

डोन्येल मालेन खेलका दुवै गोलका नायक बने। ३०औँ मिनेटतिर उनले पहिलो गोल हेडबाट गरे। अर्को गोल गर्दै भिल्लालाई पहिलो हाफमा २–० को अग्रता दिलाए।

खेलको अन्त्यतिर योङग ब्वाइजका जोएल मोन्टेइरोले एक गोल फर्काउँदै दबाब बनाए। टोलीले बराबरी गोल गर्न सकेन।

युरोपा लिगको बिहीवार पाचौं चरणको नतिजा र अंक तालिका