एजेन्सी – एर्लिङ हालान्डले प्रिमियर लिगमा १ सय गोल पूरा गरेको प्रिमियर लिगको मंगलवारको खेलमा म्यानचेस्टर सिटीले फुलहमलाई ५-४ ले हराएको छ।

क्राभेन कुटेजमा भएको खेलमा हालान्डले १७औँ मिनेटमा जेरमी डोकूको पासबाट गोल गर्दै आफ्नो सय गोल पूरा पूरा गरे। उनी सबैभन्दा छिटो सय गोल पूरा गर्ने खेलाडी बनेका छन्। उनले यो उपलब्धि मात्र १ सय ११ खेलमै हासिल गरेका हुन्।

सिटीका तिज्जानी रेजिन्डर्सले ३७ औं र फिल फोडेन ४४ औं मिनेटमा गोल गरे। फुलहमका एमिल स्मिथ रोउले हेडर गोल फर्काएपछि पहिलो हाफ ३-१ भएको थियो ।

४८ औं मिनेटमा फोडेनले अर्को गोल थपे र सैंडर बर्गेको आत्मघाती गोलले ५४ औं मिनेटमा सिटीले अग्रता ५–१ बनायो। तर फुलहमले हार मानेन। एलेक्स इवोबीले ५७ औं मिनेटमा गोल फर्काए । सामुएल चुक्वुयेज़काले ७२ औं र ७८ औं मिनेटमा गोल गर्दा खेल थप रोचक बन्यो ।‌

तर अन्तिम क्षणमा जोस्को ग्भार्डियोलले गोललाइनबाट क्लियरेन्स गर्दै सिटीको जित सुरक्षित गरे। यो जितसँगै सिटी शीर्षस्थान (२८ अंक) मा रहेको आर्सनलभन्दा २ अंकमात्र पछि पुगेको छ भने फुलहम १५औँ स्थानमै छ।

मंगलवारका अन्य खेलमा एभर्टनले बोर्नमाउथलाई १-० ले हराएको छ भने न्युक्यासल र टोटनहमले २-२ को बराबरी खेलेका छन्।

प्रिमियर लिगमा मंगलवारको नतिजा र तालिकाका शीर्ष १५ टोलीको अंक