एजेन्सी – शीर्ष स्थानको बार्सिलोनाले ला लिगामा आफ्नो अग्रता थप मजबुत बनाउँने क्रममा शनिवार रियल बेटिसलाई ५-३ ले हराएको छ।

रोचक खेलमा फरान टोरेसले पहिलो हाफमै ह्याट्रिक गर्दै टोलीलाई शानदार जित दिलाए। खेलमा अग्रता भने बेटिसले लियो ।

छैटौँ मिनेटमै एन्टोनीले नजिकैबाट गोल गर्दै १-० को अग्रता दिलाए। तर त्यो अग्रता धरै समय टिकेन। ५ मिनेटपछि जुल्स कुण्डेको क्रसमा फरान टोरेसले गोल गर्दै खेललाई १-१ बराबरीमा पुर्याए।

१३ औं मिनेटमा टोरेसले अर्को मौकामा गोल गर्दै बार्सिलोनालाई २-१ को अग्रता दिलाए। बार्सिलोनाका लागि ३१ औँ मिनेटमा युवा खेलाडी रुनी बार्डग्जीले क्लबका लागि पहिलो गोल गरे।

मध्यान्तर हुन ५ मिनेट बाँकी रहँदा टोरेसले २० यार्ड टाढाबाट गरेको प्रहार गोलमा परिणत भयो । जसले उनको ह्याट्रिक पूरा भयो र बार्सिलोनाको अग्रता ४-१ पुग्यो।

५९औं बार्सिलोनाले पेनाल्टी पायो। भिएआर समीक्षा पछि मार्क बार्ट्राको बल ह्यान्ड भएकोले बार्सिलोनाले पेनाल्टी पायो । युवा स्टार लामिन यामालले पेनाल्टीलाई गोलमा परिणत गरे। ५–१ बनाइदिए।

तर त्यसपछि बेटिसले २ गोल फर्कायो । ८५ औँ मिनेटमा डिएगो ल्लोरेन्तेले गोल गरे। अन्तिम मिनेटमा जुल्स कुण्डेबाट पेनाल्टी भएपछि कुचो हर्नान्डेजले गोल गर्दै खेल ५-३ पुर्याए ।

यो जितसँगै बार्सिलोनाले दोस्रो स्थानको रियल म्याड्रिडसँगको दूरी पुनः ४ अंक बनाएको छ।

ला लिगामा शनिवारको नतिजा र अंक तालिकाका शीर्ष १० टोली