पहिलो पटक रियलसँग असुरक्षित महसुस गरे

बार्सिलोना (एजेन्सी)– बार्सिलोनाका रक्षक जेरार्ड पिके टोलीको पछिल्लो प्रदर्शनबाट निराश भएका छन् । बार्सिलोनालाई हराउँदै रियाल म्याड्रिडले बुधबार राती स्पेनिस सुपर कपको उपाधि जितेको थियो । दुवै लेगमा बार्सिलोना पराजित भएको थियो ।

रियलसँग खेल्दा पहिलो पटक डर अनुभव भएको पिकेले अनुभव सुनाएका छन् । उनी नौं बर्षयता बार्सिलोनामा आबद्ध छन् । सुपर कपको पहिलो लेगमा ३–१ ले पराजित बार्सिलोनाले गए रातीको दोस्रो लेग २–० ले गुमाएको थिया । समग्रमा रियलले ५–१ को जित सहित उपाधि जितेको थियो ।

गए रातीको हारपछि पिकेले टोलीको पछिल्लो खराब अवस्थाप्रति निराशा जनाएका थिए । खेलका दौरान चोट लागेपछि बुधबारको खेलमा उनलाई परिवर्तन गरिएको थियो । ‘एउटा टोलीका रुपमा अहिले हाम्रो उत्कृष्ट समय होइन,’ पिकेले भने,‘हामी जतिसक्दो एकअर्कासँग नजिक भएर अघि बढ्न आवश्यक छ ।’

उनले अहिलेको अवस्थामा रियल आफुहरुभन्दा उत्कृष्ट रहेको स्वीकार गरे । ‘रियल हामी भन्दा उत्कृष्ट छ भन्ने मान्नु पर्दछ । सिजन लामो हुन्छ र त्यहाँ सुधारको सम्भावना छ,’ उनले थपे,‘नौं बर्षदेखि म यहाँ छु । तर पहिलो पटक रियलसँग मैले यति असुरक्षित महसुस गरे ।’

पहिलो पटक रियलसँग असुरक्षित महसुस गरे – पिके

Latest News

Popular News

फुटबल

म्यानचेस्टर सिटीको जित, चेल्सी रोकियो

एस्टन भिल्लासँग आर्सनल स्तब्ध

फिफा विश्वकप – मेक्सिको र दक्षिण अफ्रिका उद्घाटन खेल हुने

चर्चित खेलहरु:

उपयोगी लिङ्कहरू

सम्पर्क

सामाजिक संजाल