जर्मनी (एजेन्सी) – जर्मन फुटबलको शीर्ष श्रेणीको लिग बुन्डेसलिगाको पहिलो दिन आज एक खेल हुदैछ । सिजनको पहिलो खेलमा साविक विजेता बायर्न म्युनिखले घरेलु मैदानमा बायर लेभरकुसेनसँग प्रतिस्पर्धा गर्दै उपाधि यात्राको प्रारम्भ गर्नेछ ।
बायर्न म्युनिखका गोलकिपर म्यानुयल न्युयोर ।
तर बायर्नको पहिलो खेलमा स्टार गोलरक्षक म्यानुयल न्युयोरको साथ भने टोलीलाई हुने छैन । अप्रिलमा बायाँ खुट्टाको औला भाचिएका कारण सिजनको अन्त्य तिरको खेल गुमाएका न्युयोरले पहिलो खेल गुमाउने छन् । न्युरोर खेल्नका लागि तयार हुने अनुमान गरिएपछि टोलीका प्रशिक्षक कार्लो एन्सेलोटीले उनलाई खेलाएर जोखिम नलिने निर्णय गरिसकेका छन् ।
अघिल्लो सिजन ३४ मध्ये २५ खेलमा जित हासिल गर्दै उपाधि जितेको बायर्न म्युनिखले ८२ अंक जोडेको थियो । दोस्रो स्थानको आरबी लैप्जिगको ६७ अंक थियो । बायर लेभरकुसेनले भने ४१ अंक सहित १२ औं स्थानमा सिजनको अन्त्य गरेको थियो । बुन्डेसलिगाको दोस्रो दिन शनिबार ६ खेल हुनेछन् । अघिल्लो सिजन दोस्रो स्थानमा रहेको लैप्जिगले भोली साल्केको घरेलु मैदानमा प्रतिस्पर्धा गर्नेछ ।
