लिभरपुल (एजेन्सी)– साडियो मानेले एक मात्र गोल गरेपछि लिभरपुलले क्रिस्टल प्यालेसलाई हराएको छ । प्रिमियर लिगको नयाँ सिजनमा लिभरपुलको यो पहिलो जित हो । दोस्रो खेलमा १ –० को जित हासिल गरेको लिभरपुलले पहिलो खेलमा बराबरी खेलेको थियो ।
गोल गरेपछि लिभरपुलका साडियो माने ।
७३ औं मिनेटमा मानेले गरेको गोल नै खेलको निर्णायक बन्यो र लिभरपुलले २ खेलमा ४ अंक जोड्यो । लिभरपुलका लागि एन्ड्रियू रोर्बेटसनलेले सुरुआतमा राम्रो मौका पाएका थिए । उनले पनि पटक टोलीबाट पहिलो रोजाइमा पर्ने अवसर पाएका थिए ।
शनिबारको लागि गरिएको पाँच खेलाडीको परिवर्तनमा उनी एक हुन् । लिभरपुलले गोल गर्नुअघि प्यालेसले पनि केही मौका पाएको थियो । परिवर्तित डोमिनिक सोलान्के र मोहम्मद साहलले पनि मौका पाएर पनि गोल गर्न सकेनन् ।
प्रिमियर लिगमा शनिबार अन्य खेलका नतिजा
स्वान्सी सिटी ० – ४ म्यानचेस्टर युनाइटेड
बोर्नमाउथ ० – २ वार्टफोड
बनर्ली ० – १ वेस्ट ब्रुमविच
लेस्टर सिटी २– ० ब्रिगटोन एन्ड होभ अल्बियोन
साउथह्याप्टन ३–२ वेस्ट ह्याम युनाइटेड
