पेरिस (एजेन्सी)– रियल म्याड्रिडका स्ट्राइकर करिम बेन्जेमाले यसपटक पनि फ्रान्सेली फुटबल टोलीमा स्थान बनाउन असफल भएका छन् । विश्वकप छनोट चरणका लागि प्रशिक्षक डिडियर डेसच्याम्प्सले टोली सार्वजनिक गर्दा २९ वर्षे फरवार्ड अटाउन सकेनन् । बेन्जेमाले फ्रान्सेली टोलीबाट नखेलेको झन्डै २ वर्ष भइसकेको छ ।

डेसच्याम्प्सले किलियन बाप्पेलाई भने टोलीमा समावेश गरेका छन् । बार्सिलोनासँग जोडिने चर्चा सुरु भएदेखि छुटाएका औसमाने डेम्बेले भने उनको रोजाइमा परेनन् ।

डेम्बेले छनोट नहुनेको कारण बताउँदै प्रशिक्षक डेसच्याम्प्सले भने ‘प्रशिक्षण छुटाएको खेलाडीलाई मा टोलीमा राख्न चाहन्न । प्रतिबन्धमा रहेका एट्लेटिको म्याड्रिडका स्ट्राइकर एन्टोनियो ग्रिजमानले भने टोली परेका छन् ।

विश्वको छनोट अन्तर्गत समूह ुएु मा रहेको फ्रान्स र स्विडेनको समान १३ अंक छ । स्विडेन शीर्षस्थान र फ्रान्स दोस्रो स्थानमा छ । फ्रान्सले अगस्ट ३१ मा नेदरल्यान्ड् र सेप्टेम्बर ३ मा लग्जेमबर्गसँग प्रतिस्पर्धा गर्नेछ ।

विश्व कप छनोटका लागि फ्रान्सेली टोली :

गोलकिपर : एल्फोन्स अरेलोवा (पिएसजी) , स्टिभ मान्डान्डा (मार्सल) , हुगो लोरिस (टोटेनह्याम)

रक्षक : लुकास डिग्ने (बार्सिलोना), क्रिस्टोफर यालेट(लियोन), प्रेस्नेल किम्पेम्बे (पिएसजी), लौरेन्ट कोसेन्ली(आर्सनल) , लेभिन कुर्जावा (पिएसजी), जिब्रिल सिडिब(मोनाको), सामुएल उम्तिती (बार्सिलोना), राफेल भरान (रियल म्याड्रिड)

मिडफिल्ड : कान्टे (चेल्सी) , ब्लाएस माटौडी (युभेन्टस), पौल पोग्बा (म्यानचेस्टर युनाइटेड) , एड्रिन्ट रबियोट(पिएसजी), थोमस लेमार (मोनाको), कोरेन्टिन टोलिसो (बायर्न म्युनिख)

स्ट्राइकर : ओलिभर जिराउड (आर्सनल), एन्टोनियो ग्रिजमान(एट्लेटिको म्याड्रिड), अलेक्सजान्डर लाकाजेट (आर्सनल), किलियन बाप्पे (मोनाको), फ्लोरियन थुवाभिन (मार्सेल), किन्ग्स्ली कोमान(बायर्न म्युनिख), नाबिर फेकिल(लियोन)