फ्लोरिडा (एजेन्सी)- विश्वप्रसिद्ध गेमिंग कम्पनी इलेक्ट्रोनिक आर्टस (इए) स्पोट्र्सले यस बर्षको फिफा २०१८ भिडियो गेम यहि सेप्टेम्बर २९ मा रिलिज गर्दैछ । हरेक वर्ष इएले यस गेमको नयाँ संस्करण सार्वजनिक गर्ने गरेको छ । वास्तविक खेल जस्तै भिडियो गेममा पनि फुटबल त्यतिनै लोकप्रिय रहेको छ । अघिल्लो वर्ष सर्वाधिक बिक्रि हुने इलेक्ट्रोनिक्स गेमको सूचीमा फिफा १७, ९औं स्थानमा रहेको थियो।

फिफामा खेलाडीहरुको रेटिंग गति, सुटिंग क्षमता, पास, ड्रीब्लिंग, डिफेन्स र शाररिक क्षमताका आधारमा तय गरिन्छ। फिफाले ड्रीब्लिंग क्षमतामा सबैभन्दा बढी रेटिंग बार्सिलोना र अर्जेन्टिनाका फरवार्ड लियोनल मेस्सीलाई दिएको छ। उनको ड्रीब्लिंग क्षमता ९५ रहेको छ। ड्रीब्लिंग क्षमताका आधारमा रोनाल्डो पाँचौ स्थानमा छन् भने  विश्वका सबैभन्दा महँगो खेलाडी नेयमार दोस्रो स्थानमा छन्।

उत्कृष्ट ड्रीब्लिंग क्षमता भएका दश खेलाडीहरु यस प्रकार छन्:

लियोनल मेस्सी (बार्सिलोना ) – ९५

नेयमार (पिएसजी ) – ९४

इडेन हाजार्ड (चेल्सी ) – ९२

पाउलो डीबाला (युभेन्टस ) – ९१

क्रिस्टियानो रोनाल्डो (रियल मड्रीड ) – ९०

थियागो अल्कनटरा (बार्यन म्युनिख ) – ९०

आन्द्रेस इनिएस्टा (बार्सिलोना ) – ९०

आर्यन रोबिन (बायर्न म्युनिख ) – ९०

फ्रान्क रिबेरी (बायर्न म्युनिख ) – ८९

बरनार्दो सिल्भा ( म्यानचेस्टर सिटी )- ८९