लण्डन (एजेन्सी) – स्ट्यामफोर्ड ब्रिजमा आर्सनल र चेल्सी नेपाली समय अनुसार आज ६.१५ बजे भिड्दै छन् । लिगमा आफ्ना अघिल्ला तीन खेल जितेको चेल्सी तालिकामा तेस्रो स्थानमा रहेको छ भने ४ खेलमा २ जित र २ हारसँग आर्सनल अंकतालिकाको १२ औँ स्थानमा रहेको छ ।
आर्सनल युरोपा लिगमा कोलोनमाथिको ३-१ जितबाट ताजै छ भने चेल्सी पनि मङ्गलबार खेलिएको आफ्नो च्याम्पियन्स लिग खेलमा काराबागलाई ६-० ले हराएको थियो । आर्सनलले यस खेलमा एलेक्सिस सान्चेजलाई बेन्चमै राख्ने भएको छ । आर्सनलका अर्का स्टार खेलाडी मेसुट ओजिल भने टोलीसँग भ्रमण नै गरेका छैनन् ।
उनीहरुको स्थान एलेक्स इवोबि र ड्यानियल वेल्ब्याकले लिनेछन् । यस्तै चेल्सीको तर्फबाट उनका स्टार खेलाडी एडेन हाजार्ड पनि बेन्चबाटै खेल सुरु गर्ने छन् । काराबाग विरुद्ध राम्रो प्रदर्शन गरे पनि नयाँ खेलाडी डेभिड जापाकोस्टा पनि सुरुवाती ११ मा परेका छैनन् । मिडफिल्डमा चेल्सीले टेमो बाकायोकोको साटो आर्सनलका पूर्व खेलाडी सेस्क फाब्रिग्यास खेलाउँदै छन । चेल्सीले आफ्ना अघिल्ला १८ मध्ये १६ घरेलु खेल जितेको छ भने आर्सनल विरुद्ध पछिल्ला ५ घरेलु खेलमा जित हांसिल गरेको छ ।
आर्सनल र चेल्सीको सुरुवाती ११
आर्सनल – चेक, कोसियल्नि, मुस्ताफि, मोनरीयाल; कोलासिनाच, जाका, राम्जि, बेल्लेरिन; इवोबि, वेलब्याक, लाकाजेट
चेल्सी – कोर्टुवा; केहिल, लुइज, एज्पिलिक्वेटा; अलोन्सो, कान्टे, फाब्रिग्यास, मोजेज; विलियन, पेड्रो, मोराटा
