पेरिस (एजेन्सी)– फ्रान्सेली लिगमा पेरिस सेन्ट जर्मेन (पिएसजी)का लागि पेनाल्टी प्रहार गर्ने विषयलाई लिएर विवाद उत्पन्न भएपछि क्लबका अध्यक्ष नासिर अल खेलाईफीले एडिन्सन काभानीलाई बोनस रकम प्रस्ताव गरेका छन् ।
बेलायती समाचार श्रोत मिररका अनुसार नेयमारलाई पेनाल्टी प्रहार गर्न दिन काभानी समक्ष १ मिलियन युरोको प्रस्ताव राखिएको छ । अघिल्लो साता एल’इक्विपले जनाए अनुसार काभानीले फ्रेन्च लिगमा सबै भन्दा धेरै गोल गरेमा १ मिलियन युरो पाउनेछन् ।
तर काभानीले नेयमारलाई खुसीका साथ पेनाल्टी हान्ने भूमिका दिएमा सो बमोजिमको बोनस प्राप्त गर्नेछन् ।लिग १ को खेलमा पेनाल्टी लिने क्रममा नेयमार र काभानीबीच विवाद सिर्जना भएको थियो । विवाद कै कारण लियोनसँगको खेलपछि उनीहरुलाई ड्रेसिङ्ग रुममा छुट्टाछुट्टै राख्न परेको थियो ।
