डर्टमन्ड (एजेन्सी) – ला लिगामा खराब प्रदर्शन गरिरहेको रियल म्याड्रिडले च्याम्पियन्स लिगमा सफल नतिजालाई निरन्तरता दिएको छ । गए राती समूह चरणको खेलमा रियल म्याड्रिडले बोरुसिया डर्टमन्डलाई ३–१ ले हराएको छ । रियलको यो दोस्रो जित हो भने डर्टमन्डको दोस्रो हार हो । पहिलो खेलमा टोटेनह्यामसँग पराजित डर्टमन्डको समूह चरणबाट बाहिरिने सम्भावना बढेको छ ।
रियलको जितमा क्रिस्टियानो रोनाल्डोले २ गोल र अर्को गोल ग्यारेथ बेलले गरे । बेलले १८ औं मिनेटमा भली मार्फत गोल गर्दै रियललाई अग्रता दिलाएका थिए । रोनाल्डोले ४९ औं मिनेटमा गोल गर्दै रियलको अग्रता दोब्बर गरेका थिए । घरेलु टोलीका लागि पिएरे एमेरिक औबामियाङ्गले ५४ औं मिनेटमा गोल गर्दै अन्तर घटाए । तर रोनाल्डोको ७९ औं मिनेटमा अर्को गोल गर्दै अवे जित पक्का गरे ।
समूहको ‘एच’ कै अर्को खेलमा ह्यारी केनको ह्याट्रिकमा टोटेनह्याम हटस्पर्सले एपोएल निकासालाई ३–० ले हरायो । केनले ३९ , ६२ र ७२ औं मिनेटमा गोल गर्दै ह्याट्रिक पुरा गरेका थिए ।
हाइलाइट्स
