7 years ago
September 28, 2017
पेरिस (एजेन्सी) – च्याम्पियन्स लिगको समूह बि अन्तर्गत गए राति पेरिस सेन्ट जर्मन (पिएसजी) ले बायर्न म्युनिखमाथि ३-० को शानदार जित दर्ता गरेको छ । पिएसजीको जितमा ड्यानी एल्भेस, एडिन्सन काभानी र नेयमारले एकएक गोल गरेका थिए । आफ्नो घरेलु लिगमा अपराजित रहेको पिएसजीले बायर्न विरुद्ध दोस्रो मिनेटमै अग्रता लिएको थियो । नेयमारले बल अघि […]
पेरिस (एजेन्सी) – च्याम्पियन्स लिगको समूह बि अन्तर्गत गए राति पेरिस सेन्ट जर्मन (पिएसजी) ले बायर्न म्युनिखमाथि ३-० को शानदार जित दर्ता गरेको छ । पिएसजीको जितमा ड्यानी एल्भेस, एडिन्सन काभानी र नेयमारले एकएक गोल गरेका थिए ।
आफ्नो घरेलु लिगमा अपराजित रहेको पिएसजीले बायर्न विरुद्ध दोस्रो मिनेटमै अग्रता लिएको थियो । नेयमारले बल अघि बढाउँदै एल्भेसलाई दिएको पासलाई उनले राम्रो प्रहार गर्दै स्कोर १-० बनाएका थिए ।
त्यसपछि खेलको ३१ औँ मिनेटमा पिएसजीले आफ्नो अग्रता दोब्बर बनाएको थियो । किलियन बाप्पेको सुन्दर पासमार्फत काभानीले गरेका बलियो प्रहारले सिधै पोस्टको दिशा लिएको थियो ।
त्यस्तै बाप्पेले दोस्रो हाफको ६३ औँ मिनेटमा फेरी अर्को गोल सिर्जना गरे । बायर्न डिफेन्सलाई छक्याउँदै बल अघि बढाएका बाप्पेको प्रहार डिफेन्डरलाई लागेर फर्किँदा नेयमारले त्यो मौकाको सदुपयोग गर्दै आफ्नो टोलीको जित सुनिश्चित गरेका थिए ।
पछिल्लो खेलमा विवादमा अल्झिएका काभानी र नेयमार यस खेलमा एकअर्कालाई राम्रो अवसर सिर्जना गरेको देखिए । अर्को तर्फ बायर्नका रोबेर्ट लेवान्डस्की, थोमस मुलर र ह्यामेस रोड्रिगेजले गोल गर्ने थुप्रै मौका पाए पनि पिएसजीका गोलकिपर अल्फोन्से अरियोलाले उनीहरुलाई रोक्न सफल भएका थिए ।
यस जितसँगै पिएसजीले आफ्नो सिजनको अपराजित यात्रा कायम राखेको छ । समूह बिमा पिएसजीको २ खेलमा ६ अंक छ भने बायर्नको ३ अंक रहेको छ । समूह बिकै अर्को खेलमा एन्डरलेक्टलाई ३-० ले हराएको सेल्टिकको पनि ३ अंक रहेको छ ।
April 24, 2024
सुर्खेत (हाम्रो खेलकुद) – समिक्षा मगरको गोलमा कोशी प्रदेशले महिला लिग छनोट गण्डकी प्रदेशलाई ३–० ले सहजै हराएको छ । लगातार तेस्रो जितपछि ९ कोशी शीर्षस्थानमा छ । सर्खेतस्थित कर्णाली प्रदेश रंगशालामा बुधबार भएको खेलमा कोशीले एकपक्षीय दबाब बनायो। छैटौं मिनेटमा समिक्षाले गोल गर्दै टोलीलाई पहिलो हाफमा १–० को अग्रता दिलाइन् । गण्डकी दोस्रो हाफमा […]
April 24, 2024
एजेन्सी – युभेन्ट्स कोपा इटालियाको फाइनलमा प्रवेश गरेको छ। खेलको अन्त्यतिर गोल गरेपछि समग्रमा लाजियोलाई ३-२ ले पछि पार्दै युभेन्टस अन्तिम दुईमा पुगेको हो। बुधबार भएको दोस्रो लेगमा २-१ ले पराजित भएको युभेन्ट्सले पहिलो लेगमा २-० को जित निकालेको थियो।८३ औं मिनेटमा परिवर्तित खेलाडीका रुपमा मैदान प्रवेश गरेको केही सेकेन्डमै आर्काडिउज मिलिकले गोल गरेपछि युभेन्ट्सको […]
April 24, 2024
एजेन्सी – आर्सनलले इंग्लिस प्रिमियर लिगमा ३ अंकको स्पष्ट अग्रता लिएको छ। चेल्सीलाई मंगलबार ५-० ले हराउँदै आर्सनलले दोस्रो स्थानको लिभरपुललाई ३ अंकले पछि छाडेको छ । आर्सनलको ७७ अंक छ । लिभरपुलले एक खेल कम खेलेको छ भने २ खेल कम खेलेको तेस्रो स्थानको म्यानचेस्टर सिटी ७३ अंक छ।एफए कपको सेमिफाइनलमा सिटी सँग पराजित […]