बारिसा (एजेन्सी)- युरोपा लिगको समूह एच अन्तर्गत आज राति इङ्लिस टोली आर्सनलले बेलारुसी टोली बेट बिरोसोभको सामना गर्दै छ । खेल आज नेपाली समय अनुसार १०.४५ बजे सुरु हुने छ । समूह चरणको पहिलो खेलमा आर्सनल कोलोनसँग ३-१ ले विजयी रहेको थियो ।

त्यस्तै बेट भने ज्भेजडासँग १-१ को बराबरीमा रोकिएको थियो । आर्सनलले आफ्नो घरेलु लिग इङ्ग्लिस प्रिमियर लिगका पछिल्ला ३ खेलमा राम्रो प्रदर्शन गर्दै २ जित र १ बराबरी खेलेको छ । त्यस्तै बेटले भने आफ्ना पछिल्ला ४ खेलमा सहज जित दर्ता गरेको छ । आर्सनलले आफ्ना  पहिलो रोजाईका धेरै खेलाडीलाई विश्राम दिने छ ।

एलेक्जान्डर लाकाजेट, एलेक्सिस सान्चेज, मेसुट ओजिल र पिटर चेक लगायत वारीष्ठ खेलाडीहरु बेन्चबाट सुरुवात गर्ने सम्भावना छ । बेट आर्सनलसँग आफ्नो प्राथमिकताको टोलिको साथै मैदानमा उत्रिने छ । बेटका सबै खेलाडीहरु फिट रहेका पनि उनका प्रशिक्षकले जनाएका छन् । बेटले यही साता घरलु लिगमा स्लुत्स्कलाई ६-० को भारी अन्तरले हराएको थियो ।

आज युरोपा लिगका अन्य खेलहरु –

भिक्टोरिया प्लेजेन विरुद्ध हापोएल – १०.४५ बजे

लुगानो विरुद्ध एफसिएसबि – १०.४५ बजे

कोलोन विरुद्ध ज्भेजडा – १०.४५ बजे

कोन्यास्पोर विरुद्ध गुइमारेस – १०.४५ बजे

साल्जबर्ग विरुद्ध मार्से – १०.४५ बजे

एथ्लेटिको बिल्बाओ विरुद्ध जोर्या – १०.४५ बजे

ओस्टरसन्ड्स विरुद्ध हेर्था बर्लिन – १०.४५ बजे

आस्टाना विरुद्ध स्लाभिया प्राग – ८.४५ बजे

माकाबि तेल अभिभ् विरुद्ध भियारियल – १२.५० बजे

लोकोमोटिभ मस्को विरुद्ध ज्लिन – १२.५० बजे

शेरिफ विरुद्ध कोपनहेगेन – १२.५० बजे

रोजनबर्ग विरुद्ध एफके भारडार – १०.४५ बजे

जेनिट सेन्ट पिटर्सबर्ग विरुद्ध रियल सोसिएडाड – १०.४५ बजे

लाजियो विरुद्ध जुल्टे वारेगेम – १०.४५ बजे

निस विरुद्ध भिटेस – १०.४५ बजे

लियोन विरुद्ध एटलान्टा – १२.५० बजे

एभर्टन विरुद्ध एप्पोल्लोन लिमास्सोल – १२.५० बजे

ब्रागा विरुद्ध इस्तानाबुल बासाक्सेहिर – १२.५० बजे

लुडोगोरेट्स विरुद्ध होफनह्याम – १२.५० बजे

पार्टिजान बेलग्रेड विरुद्ध डायनामो कियभ – १२.५० बजे

स्केन्डरबेउ विरुद्ध योङ बोयज – १२.५० बजे

एथेन्स विरुद्ध अष्ट्रिया – १२.५० बजे

एसि मिलान विरुद्ध रिजेका – १२.५० बजे