हडर्ल्सफिल्ड(एजेन्सी)– हेरि केनले २ गोल गरेपछि टोटेनह्याम हस्ट्सपरले प्रिमियर लिगमा अवे खेलमा सफल नतिजालाई निरन्तरता दिने क्रममा आज हडर्ल्सफिल्डलाई ४–० ले हराएको छ ।
नवौं मिनेटमा कानेको गोलबाट अग्रता लिएको टोटेनह्यामका लागि बेन डेभिसले १६ औं मिनेटमा वान चटमा गोल गरे । पहिलो हाफमै कानेले गोल थपे । यो सिजन प्रिमियर लिगम उनको ६ गोल पुगेको छ । खेलको इन्जुरी समयमा मोउसा सिसकोले गोल गरेपछि टोटेनह्यामको जित थप सहज बनेको थियो ।
लिगमा टोटेनह्यामको यो लगातार चौथो अवे जित हो । ७ खेलमा ४ जित र २ बराबरीका साथ टोली १४ अंकसहित तेस्रो स्थानमा उक्लेको छ । हडर्ल्सफिल्ड ९ अंकसहित १० औं स्थानमा छ ।
