7 years ago
October 9, 2017
म्युनिख (एजेन्सी) – रसिया विश्वकपलाई स्थान सुरक्षित गरिसकेको डिफेन्डिङ च्याम्पियन जर्मनीले समूह चरणको अन्तिम खेलमा फराकिलो जित हात पारेका छन् । घरेलु मैदानमा भएको खेलमा जर्मनीले अजरबैजानलाई ५–१ को फराकिलो गोल अन्तरले पराजित गर्दै विश्वकप छनोटको यात्रा सुखद रुपमा समाप्त गर्यो । अजरबैजानलाई पराजित गरेसँगै जर्मनीले विश्वकप छनोटमा अपराजित रहन सफल भयो । समूहको १० खेलमा जर्मनीले […]
म्युनिख (एजेन्सी) – रसिया विश्वकपलाई स्थान सुरक्षित गरिसकेको डिफेन्डिङ च्याम्पियन जर्मनीले समूह चरणको अन्तिम खेलमा फराकिलो जित हात पारेका छन् ।
घरेलु मैदानमा भएको खेलमा जर्मनीले अजरबैजानलाई ५–१ को फराकिलो गोल अन्तरले पराजित गर्दै विश्वकप छनोटको यात्रा सुखद रुपमा समाप्त गर्यो । अजरबैजानलाई पराजित गरेसँगै जर्मनीले विश्वकप छनोटमा अपराजित रहन सफल भयो । समूहको १० खेलमा जर्मनीले शतप्रतिशत जित निकाल्यो । छनोट खेलमा जर्मनी अहिलेसम्म अपराजित रहने टोली हो । एकपक्षीय बनेको खेलमा जर्मनीलाई जिताउन लियोन गोरेट्काले २ तथा स्यान्ड्रो वाङ्गर, एन्टोनियो रुडिगर र इम्री क्यानले १–१ गोल गरे । घरेलु मैदानमा जर्मनीले लियोन गोरेट्काको गोलबाट खेलको नवौं मिनेटमा अग्रता लिएको थियो । जोसवा किम्मिचको कर्नर प्रहारलाई लियोन गोरेट्काले ब्याक हिल गोल गरेका थिए । राम्रो खेल पस्केपनि जर्मनीले ३४ औं मिनेटमा बराबरी गोल खान पुग्यो । रमिल सेदायवले बराबरी गोल फर्काउदा पहिलो हाफ १–१ गोलको बराबरीमा सकिएको थियो ।
दोस्रो हाफमा जर्मनीले उत्कृष्ट प्रदर्शनलाई निरन्तरता दिदै चार गोल गर्न सफल भयो । स्यान्ड्रो वाङ्गरले खेलको ५४ औं मिनेटमा गोल गरेपछि जर्मनीले खेलमा पुनः अग्रता लियो । खेलको ६४ औं मिनेटमा एन्टोनियो रुडिगरले गोल गरेपछि खेल ३–१ को अवस्थामा पुग्यो । त्यसको दुई मिनेटपछि लियोन गोरेट्काले टिमका लागि चौथो तथा व्यक्तिगत दोस्रो गोल गरे । खेल सकिन ९ मिनेट बाँकी रहँदा इम्री क्यानले गोल गरेपछि जर्मनीले सहजै खेल ५–१ ले आफ्नो पक्षमा पार्न सफल भयो ।
समूह ‘सी’ कै अर्काे खेलमा नर्वेसँग परािजत भएपनि नर्दन आयरल्याण्ड प्ले अफलाई छनोट हुन सफल भएको छ । नर्वेमा खेलिएको खेलमा नर्दन आयरल्याण्ड क्रिष ब्रन्टको आत्मघाती गोलमा १–० गोल अन्तरले पराजित भएको हो । ७१ औं मिनेटमा जोनसेनको क्रसलाई क्लियर गर्न खोज्दा ब्रन्टले आफ्नै पोष्टमा गोल गर्न पुगेका थिए ।
हारपछि पनि समूहको दोस्रो स्थानमा रहेको नर्दन आयरल्याण्डको १० खेलबाट १९ अंक रहेको छ । यो समूहकै अर्काे खेलमा चेक रिपब्लिकले सान मारिनोमाथि ५–० को फराकिलो जित निकाल्यो । चेकको जितमा मिकेल क्रिमिसिकले २ तथा जान कोपिक, फिलिप नोभाक र भाकलाभ काडलेकले १–१ गोल गरे । सानमारिनो माथि फराकिलो जित निकाले पनि चेक विश्वकपलाई छनोट हुन सकेन ।
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]
April 18, 2024
काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]
April 18, 2024
एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]