एलेक्सजानड्रिया (एजेन्सी) – लिभरपुलका विङ्गर मोहोम्मद सलाहको दुई गोलको मद्धतले कंगोमाथि २-१ को रोमाञ्चक जित हासिल गर्दै इजिप्टले रुस विश्व कपमा स्थान बनाएको छ । अघिल्लो पटक १९९० को विश्व कपमा सहभागी भएयता इजिप्टले फुटबलको महासंग्राममा भाग लिएको थिएन ।
इजिप्टलाई विश्व कपमा स्थान बनाउन जित्नै पर्ने हुँदा ९५ औं मिनेटमा पाएको पेनाल्टी मार्फत गोल गर्दै सलाहले जित दिलाएका थिए । घरेलु मैदानमा जितेपछि विश्व कपमा स्थान पक्का भएयता देश भर उत्सव मनाइएको छ ।
गोलरहित पहिलो हाफको अन्त्यपछि सलाहले ६१ औं मिनेटमा घरेलु टोलीलाई अग्रता दिलाएपनि ८७ औं मिनेटमा आर्नोल्ड बौका मोटुवाले कंगोलाई बराबरी दिलाएका थिए । सलाहले इन्जुरी समयको पाँचौ मिनेटमा गोल गर्दै इजिप्टलाई जित दिलाएका थिए । नाइजेरिया पछि रुस विश्व कपमा स्थान बनाएको इजिप्ट दोस्रो अफ्रिकी राष्ट्र हो ।
नोट : ९ अक्टोबर १६:१६ मा मिलाइएको ।
