लन्डन (एजेन्सी) – स्टोक सिटीक स्ट्राइकर पिटर क्राउचको नाम २०१८ को ‘गिनिज बुक्स अफ वोर्ल्ड रेकर्ड’ मा समावेश हुने भएको छ । प्रिमियर लिगमा किर्तिमान गरेपछि ३६ वर्षीय इङ्लिस स्ट्राइकरको नाम गिनिज बुकमा राखिने भएको हो ।
लिभरपुल तथा टोटेनह्यामका पूर्व खेलाडी क्राउचले प्रिमियर लिगमा सबै भन्दा धेरै हेडर गोल गरेको किर्तिमान आफ्नो नाममा पारेपछि उनको नाम गिनिज बुकमा दर्ता गरिने भएको हो ।
२०१५ को मे महिनामा एलेन सियररको ४६ गोलको रेकर्ड तोडेयता उनले हेड मार्फत थप गोल गर्दै आएका छन् । एस्टन भिल्ला , साउथह्याम्प्टन , पोर्ट्समोथ , लिभरपुल , टोटेनह्याम र स्टोकसँग गरेर उनले प्रिमियर लिगमा ५१ हेड गोल गरिसकेका छन् । क्राउचले प्रिमियर लिगको ४ सय ३६ खेलमा १ सय १ गोल गरेका छन् ।इङ्ल्यान्डबाट ४२ खेल खेलेन उनले २२ गोल गरिसकेका छन् ।
