ब्राजिलले चिलीलाई हरायो , चिली विश्वकपबाट बाहिरियो

साओपाउलो (एजेन्सी) – विश्व कप छनोट अन्तर्गत अन्तिम खेलमा ब्राजिलसँग ३-० ले पराजित चिलीको सम्भावना रोकिएको छ । लगातार दुई पटकको कोपा अमेरिका विजेता चिलीले रुस विश्व कपमा स्थान पाएन ।

ब्राजिलसँग ३-० ले पराजित चिलीले पेरुसँग गोलअन्तरमा पछि परेपछि प्ले अफको मौका गुमाएको छ । शिर्ष स्थानको ब्राजिल , दोस्रो स्थानको उरुग्वे , तेस्रो स्थानको अर्जेन्टिना र चौथो स्थानको कोलम्बियाले स्वतः विश्वकपमा स्थान बनाए भने पेरुले प्ले अफमा न्यूजिल्याण्डको सामना गर्नेछ ।

पहिलो हाफमा राम्रो प्रदर्शन गर्दापनि गोल गर्न नसकेको चिलीले दोस्रो हाफमा पौलिन्होको गोलमार्फत पछि परेको थियो । ५५ औं मिनेटमा पौलिन्होले ब्राजिललाई अग्रता दिलाएपछि म्यानचेस्टर सिटीका स्ट्राइकर ग्याब्रियल जिससले ५७ औं र ९० औं मिनेटमा गोल गर्दै दक्षिण अमेरिकी च्याम्पियनलाई विश्व कपको स्थानबाट बन्चित गरेका थिए ।