लण्डन (एजेन्सी) – प्रिमियर लिगको साविक विजेता चेल्सीले न्युकासललाई ३-१ ले हराएको छ । घरेलु टोलीको जितमा एडेन हाजार्डले दुई गोल गरेका थिए ।
खेलको सुरुवाततिर न्युकासलले ड्वाइट गेलमार्फत खेलमा आश्चर्यजनक अग्रता लिएको थियो । तर हाजार्डले २१ औं मिनेटमा र एल्भारो मोराटाले ३३ औं मिनेटमा गोल गर्दै चेल्सीलाई खेलमा अग्रता दिलाएका थिए । खेलको ७४ औं मिनेटमा एडेन हाजार्डले पुन: गोल गर्दै टोलीको जित सुनिश्चित गरेका थिए ।
त्यस्तै लिभरपुलले पनि ब्राइटनलाई ५-१ ले हराएको छ । लिभरपुलका लागि रोबर्टो फिर्मिनोले दुई तथा एम्रे चान र फिलिप कौटिन्होले १-१ गोल गरे । अर्को गोल भने ब्राइटनको खेलाडि लुइस डंकद्वारा आत्मघाती गोल भएको थियो ।
त्यस्तै अर्को बलियो टोली टोटनह्याम भने वाटफोर्डसँग १-१ को बराबरीमा रोकिन पुग्यो । वाटफोर्डलाई क्रिस्टियन काबासिलले अग्रता दिलाएका थिए भने हिउङ मिन-सनले टोटनह्यामका लागि एक गोल फर्काएका थिए ।
प्रिमियर लिगका अन्य खेलहरुको नतिजा:
एभर्टन २-० हडर्सफिल्ड
लेस्टर १-० बर्नली
स्टोक २-१ स्वान्सि
वाटफोर्ड ०-० क्रिस्टल प्यालेस
