बिल्बाओ (एजेन्सी) – स्पेनिश ला लिगामा साविक विजेता रियल म्याड्रिडले एथ्लेटिक बिल्बाओसँग गोलरहित बराबरी खेलेको छ । बार्सिलोना पनि आफ्नो खेलमा रोकिँदा रियलले ऊसँग अन्तर कम गर्ने मौका पनि गुमाएको हो ।
रियल म्याड्रिडले खेलभरी केहि अवसरहरु पाए पनि तिनको सदुपयोग भने गर्न सकेन । क्रिस्टियानो रोनाल्डो र करिम बेन्जेमाका प्रहार पोस्टमा लागेको थियो । रियलका सर्जियो रामोसले खेलको अन्तिमतिर रातो कार्ड पाएपछि भ्रमणकारी टोली १० खेलाडिमा सीमित हुन पुगेको थियो ।
यस नतिजासँगै रियल तालिकाको चौथो स्थानमा यथावत् छ । गए राति बार्सिलोनाले पनि सेल्टा भिगोसँग २-२ को बराबरी खेलेको थियो । बार्सा ३६ अंकसहित पहिलो स्थानमा छ भने रियल २८ अंकसहित चौथो स्थानमा छ । भ्यालेन्सिया (३१ अंक) र एट्लेटिको म्याड्रिड (३० अंक) तेस्रो र चौथो स्थानमा छन् ।
