पेरिस (एजेन्सी) – फ्रान्सेली लिग १ को अग्रस्थानमा रहेको पेरिस सेन्ट जर्मन (पिएसजी) स्ट्रासबर्गसँग २-१ ले पराजित भएको छ । सो हार बेहोरे पनि पिएसजी अग्रस्थानमा ९ अंकले अगाडि छ ।
घरेलु टोलीका लागि जुवा डा कोस्टाले १३ औं मिनेटमा गोल गर्दै आश्चर्यजनक अग्रता दिलाएको थियो । तर पहिलो हाफ सकिन केहि मिनेट बांकि हुँदा किलियन बाप्पेले खेल बराबरी पारेका थिए । तर डा कोस्टाको पासमा स्टेफेन बाहोकेनले ६५ औं मिनेटमा गोल गर्दै पिएसजीलाई निराश पारेको थियो ।
यस जितसँगै स्ट्रासबर्ग तालिकाको सोह्रौं स्थानमा उक्लेको छ । पिएसजीको भने १६ खेलमा ४१ अंक छ । दोस्रोमा रहेको साविक विजेता मोनाकोको उत्तिकै खेलमा ३२ अंक रहेको छ ।
