लण्डन (एजेन्सी) – गए राति प्रिमियर लिगमा टोटनह्यामले स्टोक सिटीमाथि ५-१ को सहज जित निकाल्यो । टोलीको जितमा हिउङ मिन सन र स्ट्राइकर ह्यारी केन नायक रहे ।
स्टोकका कप्तान रायन सक्रसको आत्मघाती गोलबाट खेलमा अग्रता लिएको टोटनह्यामले सनको एक तथा केनको दुई गोलको मद्दतले स्कोर ४-० बनाएको थियो ।
मिडफिल्डर क्रिस्टियन एरिक्सनले काउन्टर अट्याकमा अझै एक गोल थप्दै टोलीको पाँचौं गोल गरे । खेलको ८० औं मिनेटमा सक्रसले आफैं गोल गर्दै भ्रमणकारी टोलीलाई एक सान्तवना गोल पनि दिलाएका थिए ।
यसैगरी जोहान गुडमुन्सनको निर्णायक गोलमा बर्नलीले वाटफोर्डलाई १-० ले हरायो । यस जितसँगै बर्नली तालिकाको सातौं स्थानमा यथावत् छ भने टोटनह्याम पनि हालका लागि पाँचौं स्थानमा उक्लेको छ ।
गए राति प्रिमियर लिगमा खेलिएका अन्य खेलहरुको नतिजा:
क्रिस्टल प्यालेस २-२ बोर्नमथ
हडर्सफिल्ड २-० ब्राइटन
स्वान्सी १-० वेस्ट ब्रोम
न्युकासल २-३ लेस्टर सिटी
