साउथह्याम्टन (एजेन्सी)– खेलको अन्तिम तिर ओलिभर गिर्राडको गोलमा आर्सलनले प्रिमियर लिगमा आज साउथह्याम्टनसँग १–१ को बराबरी खेलेको छ । चार्लिन अस्टिनले तेस्रो मिनेटमा साउथह्याम्टनले घरले मैदानमा अग्रता लिएको थियो ।
तर, खेल सकिन दुई मिनेट बाँकी रहँदा गिर्राडले गोल गर्दै आर्सनललाई हारबाट जोगाएका थिए । ७२ मिनेटमा परिवर्तित खेलाडीका रुपमा मैदान प्रवेश गरेका गिर्राडले एलेक्सस सान्चेजको क्रसलाई उपयोग गर्दै गोल गरे । टोटेनह्यामलाई पछि पार्दै आर्सनल (२९ अंक) पाँचौं स्थानमा उक्लेको छ । त्यस्तै साउथह्याम्टन (१८) दसौं स्थानमा रहेको छ ।
