खनेन्द्र कुमार राई (अर्जुन)
बेलबारी – लक्ष्मी हुन्डाई मनाङ मस्र्याङ्दी सुनसरीको दुहवीमा जारी दोश्रो मनमोहन दुहवी गोल्डकप फुटबल प्रतियोगिता सेमिफाइनलमा पुगिेको छ । आयोजक एलेभन एरोज क्लबमाथि आज ५–२ को जित हासिल गर्दै मनाङ अन्तिम चारमा पुगेको हो ।
बल अघि बढाउँदै कप्तान अनिल गुरुङ (बायाँ) र सुजल श्रेष्ठ । तस्बिर सौजन्य-खनेन्द्र कुमार राई (अर्जुन)
टोलीको जितमा सुजल श्रेष्ठले २ गोल तथा कप्तान अनिल गुरुङ, अफ्रिकिन खेलाडी पोटरिक, सुजल श्रेष्ठ, विशाल राईले गोल गरे । पराजित टोलीका लागि बुद्धिमान राई र निशान लिम्बुले गोल गरे ।
दोस्रो मिनेटमै अनिलको गोलबाट मनाङले अग्रता लिएको थियो भने त्यसको चार मिनेटपछि नै पोटरिकले गोल गर्दै अन्तरलाई दोब्बर पारेका थिए । २० मिनेटमा आयोजक टोलीका बुद्धिमानले र त्यसको केहि समयमा निशानले गोल गर्दै खेललाई बराबरीमा पुर्याएका थिए ।
तर, २८ औं मिनेटमा सुजलको गोलबाट मनाङले पहिलो हाफमा ३–२ को अग्रता बनायो । दोस्रो हाफमा विशाल र सुजलले गोल गदैै मनाङको जित निश्चित गरे । मनाङका सुजल खेलको म्यान अफ दी म्याच घोषित भए र उनले ५ हजार रुपैयाँ प्राप्त गरे ।
पछिल्लो दुई नकआउट प्रतियोगितामा उपविजेता बन्दै मनाङ दुहवी पुगेको हो । सताक्षी गोल्ड कप र मेची नेत्रालय काकरभिट्टा दुवै गोल्ड कपको फाइनलमा मनाङ आर्मीसँग पराजित भएको थियो ।
मोहन स्मारक फाउन्डेसन र इलेभेन एरोज क्लबले आयोजना गरेको प्रतियोगितामा मंगलबार अन्तिम क्वार्टरफाइनलम ए डिभिजन टोली हिमालयन शेर्पा र अग्नी रुपन्देही ११ बीच प्रतिस्पर्धा हुनेछ । प्रतियोगिताका् विजेताले उपाधिसहित ४ लाख १ हजार रुपैयाँ प्राप्त गर्नेछ ।
तस्बिर सौजन्य-खनेन्द्र कुमार राई (अर्जुन)
