काठमाडौं (हाम्रो खेलकुद)– नेपाल राष्ट्रिय फुटबल टोलीका किरण चेम्जोङ माल्दिभ्स फुटबल अवार्डअन्तर्गत उत्कृष्ट विदेशी खेलाडीको मनोनयनमा परेका छन् । मनोनयनमा ५ विदेशी खेलाडी रहेका छन् ।
गोलकिपर किरण चेम्जोङ । फाइल तस्बिर
टिसी स्पोर्टसका किरणसँगै स्टेवार्ट कोर्निलोस, न्यू रेडियन्ट स्पोर्टस् क्लबका गालार्डो भाल्डेस एड्रियन र रियुज पाज एन्जल लुइस र क्लब ग्रिन स्ट्रिर्सका सोबोल इला मनोनयनमा परेका छन् । माल्दिभ्स फुटबल डट कम र माल्दिभ्स फुटबल संघको संयुक्त रुपमा आयोजना हुने अवार्ड डिसेम्बर १६ मा प्रदान गरिने बताइएको छ ।
गत वर्ष पुसमा टिसी स्पोर्टस क्लब आबद्ध भएका किरणले केही महिनामै बंगलादेशमा आयोजना भएको शेख कमाल अन्तर्राष्ट्रिय क्लब च्याम्पियनसिप जिताउन महत्वपूर्ण भूमिका निर्वाह गरेका थिए । माल्दिभ्सको धिहेवी प्रिमियर लिग (डिपिएल) टिसी स्पोर्टसलाई दोस्रो बनाउने क्रममा उच्च प्रदर्शन गरेका थिए ।
