काठमाडौं (हाम्रो खेलकुद)– सेन्ट जेभियर्स स्कुल गोदावरीको आयोजनामा जारी २२ औं फादर मोरान मेमोरियल आमन्त्रण फुटबल प्रतियोगितामा आज ललितपुर धापाखेलको जेम्स स्कुल, चोभारको मोर्डन इन्डियन स्कुल र धुलिखेलको काठमाडौं विश्व विद्यालय हाइस्कुल विजयी भएका छन् ।
जेम्सले विशंखु नारायणलाई ६–१ ले हरायो । जेम्सका लागि डोरमणी गिरी एक्लैले ४ गोल गरे भने अलिश वैद्य र प्रंशु जोशीले समान १ गोल गरे । विशंखुका लागि निशान तामाङले गोल गरे । जेम्सका अलिश म्यान अफ दी म्याच चुनिए ।
दोस्रो खेलमा मोर्डन इन्डियनले गोदावरीको पुष्पाञ्जली माविलाई २–० ले हरायो । मोर्डन इन्डियनका लागि दुवै गोल विनायक भण्डारीले गरे । विजयी टोलीका वेदराज ढुंगाना खेलको म्यान अफ दी म्याच घोषित भए ।
अर्को खेलमा काठमाडौं विश्वविद्यालयले बुद्धनगरको रोजबड स्कुललाई २–० ले पराजित गर्यो । विजेता टोलीका लागि प्रजुल जंगम र सुगम केसीले गोल गरे । काठमाडौं विश्वविद्यालयका सुसिम बञ्जु खेलको म्यान दी म्याच घोषित चुनिए ।
