6 years ago
December 13, 2017
काठमाडौं (हाम्रो खेलकुद)– दक्षिण एसियाली राष्ट्रबीच फुटबलमा सबैभन्दा ठूलो मानिएको साफ च्याम्पियनसिप अर्को वर्ष बंगलादेशमा आयोजना हुने भएको छ । च्याम्पियनसिप ढाकामा सेप्टेम्बर ५ देखि १५ सम्म आयोजना हुने साफले जनाएको छ । दक्षिण एसियाली फुटबल महासंघ (साफ) को आयोजनामा हरेक दुई वर्षमा आयोजना हुने भनिएपनि यसपटक झन्डै एक वर्ष ढिला हुन लागेको हो । […]
काठमाडौं (हाम्रो खेलकुद)– दक्षिण एसियाली राष्ट्रबीच फुटबलमा सबैभन्दा ठूलो मानिएको साफ च्याम्पियनसिप अर्को वर्ष बंगलादेशमा आयोजना हुने भएको छ । च्याम्पियनसिप ढाकामा सेप्टेम्बर ५ देखि १५ सम्म आयोजना हुने साफले जनाएको छ ।
दक्षिण एसियाली फुटबल महासंघ (साफ) को आयोजनामा हरेक दुई वर्षमा आयोजना हुने भनिएपनि यसपटक झन्डै एक वर्ष ढिला हुन लागेको हो । यसअघि यहि डिसेम्बरमा आयोजना हुने बताइएको थियो ।
साफमा नेपालसहित सर्वाधिक सफल टोली भारत, पाकिस्तान, बंगलादेश, श्रीलंका, भुटान र माल्दिभ्सको सहभागिता रहनेछ । सन् २०१३ को विजेता अफगानिस्तान भने साफ फुटबलबाट अलग भइ मध्य एसियामा सामेल भइसकेको छ । गत वर्ष साफको कार्यसमिति बैठकले २०१७ को डिसेम्बरमा आयोजना गर्ने निर्णय गरेको थियो ।
माल्दिभ्स र भुटानले पनि आयोजनाको दाबी गरेपनि पछि दाबी फिर्ता लिएका थिए । बंगलादेशमा साफ च्याम्पियनसिप आयोजना हुन लागेको यो तेस्रो पटक हो । यसअघि २००३ र २००९ मा बंगलादेशले आयोजना गरेको थियो । यो पटक साफ च्याम्पियनसिपमा ६ राष्ट्रको मात्र सहभागिता रहने सम्भावना पनि छ ।
फिफाले पाकिस्तान फुटबल संघ माथि लगाएको प्रतिबन्ध हटेन भने ६ टोलीले मात्र साफ च्याम्पियनसिपमा चुनौति पेश गर्नेछन् । च्याम्पियनसिपको ड्र मार्च २ मा ढाकामा हुने साफले जनाएको छ । नेपाल अहिले सम्म च्याम्पियनसिपको फाइनल पुग्न सकेको छैन ।
April 18, 2024
एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]
April 18, 2024
एजेन्सी – बायर्न म्युनिख च्याम्पियन्स लिगको सेमिफाइनलमा प्रवेश गरेको छ । इंग्लिस क्लब आर्सनललाई बुधबार दोस्रो लेगमा १–० ले हराएपछि समग्रमा ३–२ को नतिजासहित जर्मन टोली बार्यन अन्तिम चारमा पुगेको हो । आर्सनलको मैदानमा भएको पहिलो लेग २–२ को बराबरीमा टुंगिएको थियो । जोसुवा किमिचले गरेको गोल बायर्नका लागि निर्णायक बन्यो । उनले ६३ औं […]
April 17, 2024
काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत बुधबार भएको खेलमा सानेपा क्लब विजयी भएको छ । एन्फा कम्प्लेक्समा भएको दिनको दोस्रो खेलमा सानेपा क्लबले स्वयम्भू क्लब माथि २-१ को जित निकालेको हो । सानेपाको लागि पेम्बा दोर्जे र निरञ्जन जंग शाहीले १-१ गोल गरे । पराजित स्वयम्भूका लागि सुग्रीत मगरले एक गोल […]