हडर्सफिल्ड (एजेन्सी) – साविक विजेता चेल्सीले गए राति प्रिमियर लिगमा हडर्सफिल्डलाई ३-१ ले हराएको छ । चेल्सीको जितमा मिडफिल्डर विलियन नायक सावित भए ।
खेलको २३ औं मिनेटमा विलियनको पासमा टेमो बाकायोकेले गोल गर्दै चेल्सीलाई खेलमा अग्रता दिलाएका थिए । त्यस्तै पहिलो हाफको अन्त्यतिर विलियन आफैंले गोल गर्दै टोलीको अग्रता दोब्बर बनाएका थिए ।
दोस्रो हाफको सुरुवातमा चेल्सी थप १ गोल गर्न सफल रह्यो र विलियन फेरी त्यसमा संलग्न भए । विलियनको पासमा पेड्रोले गोल गर्दै स्कोर ३-० बनाएका थिए । खेलको अन्तिम मिनेटमा भने घरेलु टोलीका लरेन्ट डेपोएट्रेले गोल गर्दै टोलीलाई सान्तवना दिलाए ।
यस जितसँगै चेल्सी तालिकाको तेस्रो स्थानमा यथावत् छ । गए रातिको अन्य खेलमा बर्नलीले स्टोकलाई १-० ले हरायो भने क्रिस्टल प्यालेस वाटफोर्डसँग २-१ ले विजयी रह्यो ।
